બોનસ / ટાટા સ્ટીલે કર્મચારીઓ માટે બોનસ જાહેર કર્યું, આંકડો વાંચીને કહેશો, વાહ! કંપની હોય તો આવી

• ટાટા સ્ટીલ માટે કામ કરતાં કર્મચારીઓ માટે પણ ખુશીના સમાચાર
• કર્મચારીઓ માટે 270 કરોડ રૂપિયાનું બોનસ
• આ જ વર્ષે કંપનીના શેર્સમાં 133 % જેટલી તેજી

એક તરફ કેન્દ્ર સરકારે પોતાના કર્મચારીઓને મોંઘવારી ભથ્થું ચૂકવવાની જાહેરાત કરી દીધી હતી તો બીજી તરફ બધા રાજ્યની રાજ્ય સરકારોએ પણ પોતાના કર્મચારીઓને મોંઘવારી ભથ્થું ચૂકવવાની જાહેરાત કરી દીધી છે. અને હવે ટાટા ગ્રૂપની કંપની ટાટા સ્ટીલ માટે કામ કરતાં કર્મચારીઓ માટે પણ ખુશીના સમાચાર આવી ચૂક્યા છે. 

270 કરોડ રૂપિયાનું બોનસ 
ટાટા ગ્રૂપની ટાટા સ્ટીલ દ્વારા એલાન કરવામાં આવ્યું હતું કે તેઓ પોતાના 32 હજાર કર્મચારીઓને ભેટ તરીકે બોનસ આપવા જઇ રહ્યા છે. આ રકમ 270 કરોડ રૂપિયા કરતાં પણ વધારે હોય તેવી સંભાવના છે. 

કરાર પર હસ્તાક્ષર કરવામાં આવ્યા
પ્રાઇવેટ કંપની ટાટા સ્ટીલ દ્વારા જાહેરાત કરવામાં આવી હતી કે તેઓ પોતાના કર્મચારીઓને 2020-2021ના વર્ષ માટે વાર્ષિક બોનસ રૂપિયા 270.28 કરોડ જેટલું આપવા જઈ રહ્યા છે.  કંપની દ્વારા જાહેર કરવામાં આવેલ નોટિફિકેશનમાં 2020-21 ના વાર્ષિક બોનસ ચૂકવવા બાબતે ટાટા સ્ટીલ અને ટાટા વર્કર્સ યુનિયન વચ્ચે બુધવારે એક કરાર પર હસ્તાક્ષર કરવામાં આવ્યા હતા. 

ઓછામાં ઓછું બોનસ 35 હજાર રૂપિયા 
કંપનીના કર્મચારીઓને 270 કરોડ રૂપિયા જેટલી રકમ બોનસ રૂપે આપવાની છે જેમાં મિનિમમ બોનસ 34,920 રૂપિયા અને મેક્સિમમ બોનસ 3,59,029 રૂપિયા હશે. ટાટા સ્ટીલ અને ટિસકો લેબર યુનિયન વચ્ચે બુધવારે વધુ એક કરાર પર સહી કરવામાં આવી હતી. ગ્રોથ શોપ માટે વાર્ષિક બોનસ 3.24 કરોડ રૂપિયા છે. 

ટાટાના શેરનું સારું પરફોર્મન્સ 
ટાટા સ્ટીલના આ એલાન ઉપરાંત ટાટા સ્ટીલના શેર પણ સારી કમાણી કરી રહ્યા છે. 21 વર્ષમાં કંપનીના શર્મા 2054 ગણો વધારો જોવા મળ્યો હતો. આ જ વર્ષે કંપનીના શેર્સમાં 133 % જેટલી તેજી જોવા મળી હતી. જ્યારે આ એક વર્ષમાં કંપની 246 ટકા જેટલી તેજી જોઈ ચૂકી છે.