અપડેટ / Tata Skyએ પોતાના પ્લાન્સમાં કર્યો બદલાવ, ઓછી કિંમતમાં વધુ જોવા મળશે ચેનલ

આ વર્ષની શરૂઆતમાં TRAIએ નવા નિયમોના હિસાબથી DTH અને કેબલ ઑપરેટર્સે પોતાના ચેનલ પેક્સ અને કિંમતોમાં બદલાવ કર્યો હતો. TRAIના નવા નિયમો અનુસાર, યૂઝર્સને પોતાની પસંદગીના હિસાબથી એક-એક ચેનલ અથવા તો બ્રોડકાસ્ટ ચેનલ પેક્સને સિલેક્ટ કરવાની હોય છે. હવે Tata Skyએ પોતાના પેક્સમાં બદલાવ કર્યો છે. 

એક રિપોર્ટ અનુસાર, હાલમાં બદલાવ રિજનલ પેક્સમાં કરવામાં આવ્યો છે, કેમકે તેણે ખાસ કરીને ખાસ લેંગ્વેજ માટે તૈયાર કરવામાં આવ્યા છે. દાખલા તરીકે જો ગુજરાતી રિજનલ પેકમાં 4 ચેનલ મળે છે, ત્યારે હવે આ 5 ચેનલ મળશે, તો બીજી તરફ પ્રતિ મહિનાની કિંમત 7 રૂપિયા હતી, જે વધીને હવે 8.49 રૂપિયા થઇ ગઇ છે. 

આ જ રીતે તમિલ ફેમિલી સ્પોર્ટ્સની પહેલા કિંમત 267 રૂપિયા હતી, જે ઘટીને હવે 254.27 રૂપિયા કરવામાં આવી છે. કિંમતોમાં ઘટાડા સિવાય તેમાં કુલ 77 ચેનલ મળશે, જેમાં પહેલા 76 ચેનલ મળતી હતી. તેલુગુ ફેમિલી સ્પોર્ટ્સની કિંમત 285 રૂપિયા હતી, જે ઘટીને 282 રૂપિયા થઇ ગઇ. આ કિંમતમાં પણ ઘટાડો કરવામાં આવ્યો છે અને હવે એક ચેનલ એક્સ્ટ્રા પણ મળશે. હવે કુલ 77 ચેનલ મળશે.

બીજા પેક્સ જેવા કે કન્નડ ફેમિલી સ્પોર્ટ્સ HD, મલયાલમ ફેમિલી સ્પોર્ટ્સ HD, હિંદી સ્ટાર્ટર,  હિંદી સ્ટાર્ટર HD, કન્નડ સ્માર્ટ પ્લાન  અને બીજા ઘણા પ્લાન્સમાં બદલાવ કરવામાં આવ્યો છે. 

તમને જણાવી દઇએ કે, Tata skyએ પોતાના સેટ ટૉપ બોક્સની કિંમત 400 રૂપિયા સુધી ઘટાડી છે. SD સેટ-ટૉપ બોક્સ હવે 1600 રૂપિયામાં મળે છે, ત્યારે HD Tata Sky સેટ ટૉપ બોક્સ માટે ગ્રાહકોને 1800 રૂપિયામાં મળશે. આ સાથે જ નવી સ્ટ્રીમિંગ સર્વિસ ટાટા સ્કાય બિંઝ પણ લોન્ચ કરવામાં આવ્યુ છે. આ Tata Sky DTH સબ્સક્રાઇબર્સ માટે એડ- ઑન છે.