ભારતમાં IPL શરૂ થયા બાદ DTH કંપનીઓએ સ્પોર્ટ્સ ચેનલ ફ્રી જોઈ શકાશે તેવી વાત કહી હતી. પોતાના ગ્રાહકોને લલચાવવા માટે તમામ DTH કંપનીઓ દ્વારા લેવાયેલું પગલું બહુ સારું માનવામાં આવી રહ્યું હતું. 23 માર્ચથી 19મે સુધી કંપનીઓએ Star Sports 1 Hindi, Star Sports 1 Tamil, Star Sports 1 Telugu, Star Sports 1 Kannada અને Start Sports 1 Bangla ચેનલો મફત આપવાનો નિર્ણય કર્યો હતો. પરંતુ હવે બે મોટા DTH પ્રોવાઇડર્સ Tata Sky અને Airtel Digital TVએ સ્પોર્ટસ ચેનલોને મફત બતાવવાનું બંધ કરવાની જાહેરાત કરી છે.
Tata Sky અને Airtelના પ્લેટફોર્મ પર આ સ્પોર્ટ્સ ચેનલ 30 માર્ચથી બંધ કરી દેવામાં આવી છે. Airtelએ તો ત્યાં સુધી કહ્યુ કે, જો યૂઝર્સ ઇચ્છે તો સ્પોર્ટ્સ ચેનલ માટે અલગથી સબ્સક્રિપ્શન લઇ શકે છે. સ્ટાર સ્પોર્ટ્સ ચેનલ પણ સબસ્ક્રાઇબ્સ કરી શકાશે. Tata Skyની વાત કરીએ તો કંપનીએ પણ પોતાના પ્લેટફોર્મ પરથી સ્પોર્ટ્સ ચેનલ ફ્રીમાં બતાવવાનું બંધ કરી દીધુ છે.
Star Sports 1 HDનો 1 વર્ષનો પ્લાન 202 રૂપિયામાં ઉપલબ્ધ:
કંપનીઓના આ નિર્ણયથી એ યુઝર્સને નિરાશા સાંપડી છે, જેઓ IPL મેચ જોવા માટે પ્રિવ્યુ ઓફરનો ઉપયોગ કરતા હતા. એવામાં હવે જો યુઝર્સને ક્રિકેટ મેચ જોવી હશે તો તેમણે Star Sportsનું પેક સબસ્ક્રાઇબ કરવું પડશે અથવા તો યુઝર્સ અલગ-અલગ ચેનલ્સ પણ સબસ્ક્રાઇબ કરી શકશે. આ સાથે જ Tata Skyના યુઝર્સ Star Sports 1 HD ચેનલનો પ્લાન એક વર્ષ માટે લઈ શકશે. આ માટે યુઝર્સે 202 રૂપિયા ભરવાના રહેશે.