બિઝનેસ / ટાટાએ લીધો આ એક નિર્ણય : મુકેશ અંબાણીની કંપની સામે ઊભી થશે નવી ચેલેન્જ

• રિટેલ કારોબારમાં આવશે ટાટા કંપની 
• બિગ બાસ્કેટમાં હિસ્સો ખરીદવા ડીલ પ્રસ્તાવિત 
• રિલાયન્સ રિટેલને મળશે નવું કોમ્પિટિશન 

મુકેશ અંબાણીની રિલાયન્સ ઇંડસ્ટ્રીના રિટેલ કારોબાર સામે નવો પડકાર ઊભો થવાનો છે. આ મુશ્કેલી ટાટા ગ્રુપ તરફથી મળે તેવી આશંકા છે.  

રિટેલમાં બિઝનેસમાં ટાટા 

ટાટા સમૂહ દ્વારા ઓનલાઈન કરિયાણા સ્ટોર બિગ બાસ્કેટમાં 60 ટકા ભાગીદારી ખરીદી લેવાનો પ્રસ્તાવ મૂકવામાં આવ્યો છે. ભારતીય પ્રતિસ્પર્ધા આયોગને મળેલી સૂચના અનુસાર આ કંપનીમાં ટાટા સમૂહ 64.3 ટકા ભાગીદારી ખરીદવા માંગે છે. 

ડીલ માટે મંજૂરી લેવા પ્રસ્તાવ મોકલાયો 

પ્રસ્તાવિત ડીલ અનુસાર ટાટા સંસની કંપની ટાટા ડિજિટલ લિમિટેડ SGSના 64.3 ટકા શેર અધિગ્રહણ કરશે. આ પ્રસ્તાવિત ડીલમાં TDL આ કંપનીમાં મોટા ભાગની હિસ્સેદારી ખરીદીને નિયંત્રણ હાંસલ કરી લેશે. નોંધનીય છે કે એક નિશ્ચિત સીમાથી ઉપર કોઈ સોદો કરવામાં આવે ત્યારે ભારતીય પ્રતિસ્પર્ધા આયોગથી પરવાનગી લેવી આવશ્યક છે. 

9 હજાર કરોડમાં ડીલ થાય તેવી શક્યતા 

જોકે કંપની તરફથી આ મુદ્દે આધિકારિક નિવેદન આપવામાં આવ્યું નથી પરંતુ બિઝનેસ જગતના અહેવાલો અનુસાર ટાટા આ ડીલ 9 હજાર કરોડમાં કરે તેવી શક્યતા છે. 

અમેઝોન આપી રહી છે રિલાયન્સને પડકાર 

નોંધનીય છે કે અત્યારે તો રિલાયન્સ રિટેલને અમેરિકાની કંપની અમેઝોન દ્વારા કોમ્પિટિશન મળી રહ્યું છે. રિલાયન્સ રિટેલ અને ફ્યુચર ગ્રુપ વચ્ચે 24 હજાર કરોડ રૂપિયાની એક ડીલ થવાની છે પરંતુ આ ડીલને સામે અમેઝોનને વાંધો છે જેના કારણે આ સોદો થઈ શકતો નથી. ડીલ અનુસાર ફ્યુચર ગ્રુપમાં હોલસેલ વ્યવસાયનું અધિગ્રહ રિલાયન્સ કરશે.