બે દાયકાથી લોકપ્રિય એવી 2 કાર્સનું TATAએ બંધ કર્યુ પ્રોડક્શન

ઑટોમેકર ટાટા મોટર્સે પોતાની કૉમ્પેક્ટ સિડાન ઇન્ડિગો અને કૉમ્પેટ હૈચબેક ઇન્ડિકાનું પ્રોડક્શન બંધ કરી દીધું છે. કંપનીના અનુસાર આ પાછળનું કારણ ઓછું વેચાણ અને આ સેગમેન્ટમાં મળેલી કૉમ્પિટિશન છે. 

જોકે કંપની આ ગાડીઓના માલિકોને જરૂરી માર્કેટ સર્વિસ ઉપલબ્ધ કરાવવામાં આવશે. આ વિશે ઉત્તર ભારતના એક ડીલરે જણાવ્યું કે કંપનીએ આ બંને કાર્સના પ્રોડક્શનને બંધ કરી દીધું છે અને હાલમાં આ કાર્સના કેટલાક બાકી રહેલા સ્ટોક્સને સપ્લાઈ કરવામાં આવી રહ્યો છે. 

 આ વર્ષે એપ્રિલ મહિનામાં ટાટા મોટર્સે કુલ 1 87 321 યૂનિટ્સ વેચીને 22 ટકાનો ગ્રોથ મેળવ્યો. જ્યારે પાછલા વર્ષે આ આંકડો 153 151 કાર્સનો રહ્યો હતો. આ ગ્રોથમાં સૌથી સારું પ્રદર્શન નેક્સન ટિયાગો અને હેક્સાનું રહ્યું. કંપનીએ આ બંને કાર્સનું પ્રોડક્શન બંધી કરી દીધું છે પરંતુ જે ગ્રાહકો પાસે આ બંને જૂની કાર્સ છે તેમને કારના સ્પેરપાર્ટ્સ સરળતાથી મળશે અને સર્વિસ પણ મળશે.

ઓટો એક્સપર્ટ અનુસાર ઈન્ડિકા અને ઈન્ડિગો ટાટાની પહેલી કાર હતી. કંપનીએ તેને ઘણીવાર અપગ્રેડ કરી પણ વધારે સફળથા ન મળી. કારણ કે ડિઝાઈન અને એન્જિન જૂના થઈ ચૂક્યા હતા. તેને ફરીથી અપગ્રેડ કરવામાં આવી હતો તો કિંમત વધી જાત અને એટલી કિંમતમાં એક નવું મોડલ તૈયાર થઈ જાત. જોકે હવે માર્કેટમાં નવી અને મોડર્ન ડિઝાઈનવાળી કાર્સ આવવા લાગી છે તો માર્કેટમાં તેની ડિમાન્ડ ઓછી થવા લાગી જેની અસર તેના વેચાણ પર પડી. તો ટાટાએ ટિયાગો અને ટિગોર જેવી નવી કાર્સને પણ લોન્ચ કરી જેને માર્કેટમાં સારો રિસ્પોન્સ મળી રહ્યો છે. આથી કંપનીનું સમગ્ર ધ્યાન આ બંને કાર્સ પર છે એવામાં તેમણે ઈન્ડિકા અને ઈન્ડિગોને બંધ કરવાનો નિર્ણય ઉચિત છે.