ટા મોટર્સની ગાડીઓ ખરીદવી હવે મોંઘી થઈ છે. ટાટા મોટર્સે પેસેન્જવ વ્હીકલની કિંમતમાં 1.1 ટકાનો વધારો ઝીંકી દીધો છે.
ટાટાની કાર ખરીદનાર લોકોએ વધારે પૈસા ચુકવવા પડશે
ટાટા મોટર્સે પેસેન્જર વ્હીકલના ભાવમાં કર્યો વધાર્યો
કારની કિંમતમાં 1.1 ટકાનો વધારો
શનિવારથી લાગુ પડી વધેલી 1.1 ટકા કિંમત
ટાટાની કાર ખરીદનાર લોકોને મોંઘવારીનો ઝટકો લાગ્યો છે. મારુતિ સુઝુકી ઇન્ડિયા અને મહિન્દ્રા એન્ડ મહિન્દ્રા બાદ ટાટા મોટર્સે પણ પોતાના પેસેન્જર વ્હીકલની કિંમતમાં વધારો કરી દીધો છે. કારની આ વધેલી કિંમત આજથી લાગુ થઈ ગઈ છે. ટાટા મોટર્સે એક નિવેદન બહાર પાડીને કહ્યું કે ખર્ચમાં વધારો થવાને કારણે તેણે થોડો ભાર ગ્રાહકો પર નાખવાનો નિર્ણય કર્યો છે. એટલા માટે ગાડીઓની કિંમતમાં વધારો કરવામાં આવ્યો છે.
કારની કિંમતમાં 1.1 ટકાનો વધારો
ટાટા મોટર્સે એક નિવેદનમાં જણાવ્યું છે કે કારની કિંમતમાં 1.1 ટકાનો વધારો કરવામાં આવ્યો છે. નવી કિંમતો આજથી 23 એપ્રિલ 2022થી લાગુ થઈ ગઈ છે. મોડલ અને વેરિયન્ટ પ્રમાણે કારની કિંમત અલગ-અલગ હોઇ શકે છે.આ પહેલા જાન્યુઆરીમાં કંપનીએ પોતાની કારની કિંમતમાં 0.9 ટકાનો વધારો કર્યો હતો.ટાટા મોટર્સની ઇલેક્ટ્રિક કારની માંગ સતત વધી રહી છે. કંપનીની નેક્સન ઇવી દેશની સૌથી વધુ વેચાતી ઇલેક્ટ્રિક કાર છે. હાલમાં જ કંપનીએ ચેન્નઈમાં એક સાથે 101 ઈલેક્ટ્રિક વાહનોની રેકોર્ડ ડિલિવરી કરી છે. તેમાં નેક્સન ઇવી ઉપરાંત ટિગોર ઇવીનો પણ સમાવેશ થાય છે.
મારુતિ સુઝુકી અને મહિન્દ્રાની કાર પણ મોંઘી
દેશની સૌથી મોટી કાર નિર્માતા કંપની મારુતિ સુઝુકીએ પણ 18 એપ્રિલે તેની કારના ભાવમાં 1.3 ટકાનો વધારો કર્યો હતો. મહિન્દ્રા એન્ડ મહિન્દ્રાએ પોતાની કારની કિંમતમાં 2.5 ટકાનો વધારો કર્યો હતો. આ પછી, કંપનીની કારની કિંમત 10,000 રૂપિયાથી વધીને 63,000 રૂપિયા થઈ ગઈ છે. જો કે, તે વિવિધ મોડેલો અનુસાર બદલાય છે. કારોની વધેલી કિંમતો 14 એપ્રિલથી લાગુ થઈ ગઈ છે.