ઑફર / તમારી ગમતી ફેમિલી કાર પર ટાટા આપે છે હેવી ડિસ્કાઉન્ટ, માઇલેજ અને કિંમત સાંભળીને કહેશો, આ જ તો જોઈતું હતું

• Tata Tiago કાર પર શાનદાર ઑફર્સ
• કંપની આપી રહી છે રુ.28,000 સુધીનું ભારે ડિસ્કાઉન્ટ 
• 10 હજાર રુપિયા તો કેશ ડિસ્કાઉન્ટ 

ટાટા મોટર્સ પોતાની ટાટા ટિયાગો પર મોટી માત્રામાં ડિસ્કાઉન્ટ જાહેર કર્યુ છે. તમે આ ઓફર કેશ ડિસ્કાઉન્ટ, એક્સચેન્જ બોનસ અને લોયલ્ટી છૂટના રુપમાં મેળવી શકો છે. કંપની તરફથી આપવામાં આવેલી ઓફર હેઠળ ગ્રાહકોને  કુલ 28 હજાર રુપિયા સુધીની બચત થઇ શકે છે.  

શું છે ઑફર ? 

Tata Motors આ મહિને Tata Tiago મોડલ પર રૂ. 28,000 સુધીનું ભારે ડિસ્કાઉન્ટ ઓફર કરી રહી છે. કંપની દ્વારા 10000 રૂપિયાનું કેશ ડિસ્કાઉન્ટ, 15,000 રૂપિયા સુધીનું એક્સચેન્જ બોનસ અને 3000 રૂપિયાનું કોર્પોરેટ ડિસ્કાઉન્ટ આપવામાં આવી રહ્યું છે.  જો કે આ ઑફર મર્યાદિત સમય માટે છે અને અલગ-અલગ રાજ્યો અને ડીલરશિપ અનુસાર  બદલાઈ શકે છે. આ સિવાય Tata Tiagoના CNG મોડલ પર કંપની દ્વારા કોઈ ડિસ્કાઉન્ટ આપવામાં આવી રહ્યું નથી.

કિંમત અને માઇલેજ

ટાટા ટિયાગો કાર લગભગ 20.09 કિલો મીટર પ્રતિ લિટરની માઇલેજ આપે છે.  તેની દિલ્હી એક્સ-શોરૂમ કિંમત 5.19 લાખ રૂપિયા છે.

એન્જિન અને ડિઝાઇન

હાલની ટિયાગો અને ટિગોર સાથે, કંપનીએ 1.2-લિટર ત્રણ-સિલિન્ડર રેવેટ્રોન પેટ્રોલ એન્જિન આપ્યું છે જે 86 હોર્સપાવર અને 113 Nm પીક ટોર્ક બનાવે છે. કંપનીએ આ કારમાં મેન્યુઅલ અને AMT ગિયરબોક્સ ઓપ્શન આપ્યા છે.