મોટો પ્રોજેક્ટ / 'ટાટા' રાજકોટમાં કાર્ગો પ્લેનનો પ્લાન્ટ શરૂ કરે તેવી શક્યતા, જામનગરમાં બ્રાસના પાર્ટ્સનું છે મોટું માર્કેટ

• રાજકોટમાં શરૂ થઇ શકે છે મોટો પ્રોજેક્ટ 
• આગામી ડિફેન્સ એક્સપોમાં જાહેરાત થાય તેવી શક્યતા
• રાજકોટને વર્ષોથી એન્જિનિયરિંગ હબ ગણવામાં આવે છે

મશીન ટૂલ્સનું હબ ગણાતા રાજકોટમાં એક મોટો પ્રોજેક્ટ શરૂ થાય તેવા એંધાણ વર્તાઇ રહ્યા છે. ટાટા ગ્રુપ દ્વારા રાજકોટના આંગણે કાર્ગો પ્લેનના પ્લાન્ટ શરૂ કરવામાં આવે તેવી શક્યતાઑ સેવા સેવાઇ રહી છે. મહત્વનું છે કે રાજકોટને વર્ષોથી એન્જિનિયરિંગ હબ ગણવામાં આવે છે. ત્યારબાદ તમામ અનુકુળતાઑ રહેશે તો ટાટા અને સ્પેનિશ કોન્સોર્ટિયમ દ્વારા જમીન અધિગ્રહણ કરવામાં આવ્યા યાદ પ્લાન્ટ તૈયાર કરવામાં આવી શકે તેમ છે અને આ અંગે આગામી ડિફેન્સ એક્સપોમાં જાહેરાત થાય તેવું પણ જાણવા મળી રહ્યું છે. 

જામનગરમાં બ્રાસપાર્ટ ઉદ્યોગમાંથી પાર્ટ્સ સહેલાયથી મળી શકે છે
એક વાત એવી પણ આવે છે કે રાજકોટને બદલે સુરતમાં પણ આ પ્લાન્ટની સ્થાપન કરવામાં આવી શકે છે. પરતું સુરતમાં દરિયાકિનારો નજીક હોવા ઉપરાંત અનેક ભૌગોલિક પ્રતિકૂળતા હોવાથી ત્યાં આ પ્લાન્ટના શ્રીગણેશ થાય તેવી શક્યતાઑ નહિવત હોવાનું ચર્ચાઇ રહ્યું છે. બીજી બાજુ જામનગરમાં બ્રાસપાર્ટ ઉદ્યોગ પણ આવેલ હોવાથી પાર્ટ્સ સહેલાયથી મળી શકે એમ છે. આથી રાજકોટમાં આ પ્લાન્ટ સ્થપાઇ શકે છે. રાજકોટમાં આ પ્રોજેક્ટ આવવાથી કંપનીઓને મોટા પાયે લાભ થઈ શકે છે. 

 
રાજકોટમાં વર્ષોથી મિનિસ્ટ્રી ઓફ માઇક્રો સ્મોલ એન્ડ મીડિયમ એન્ટરપ્રાઈઝ ઈન્ડસ્ટ્રીઝમાં વિમાનના પાર્ટ્સ તો બનાવવામાં આવે જ છે. તેવામાં હવે પ્લેનના સ્પેરપાર્ટ્સની સાથે પ્લેન બનાવવાનો પ્રોજેક્ટ પણ શરૂ થાય તેવી શક્યતાઑ વર્તાઇ રહી છે.