ખુશખબર / 500 કિમીની રેન્જ, Skydome વ્યુ... ધમાલ મચાવવા તૈયાર TATAની New Concept Car, તસવીરો જોઈ આંખો પહોળી થઈ જશે

• ટાટા પોતે જ બનાવશે સેમીકંડકટર અને બેટરીઓ 
• પોર્ટફોલિયોમાં ઇલેક્ટ્રિક ગાડીઓને વધારવાની ટાટાની યોજના 
• 2030 સુધીમાં પોર્ટફોલિયોમાં 30 ટકા ઇલેક્ટ્રિક કાર મેળવવાનો ટાટાનો પ્લાન 

ટાટા પોતે જ બનાવશે સેમીકંડકટર અને બેટરીઓ 

જ્યારથી મુંબઈમાં કોરોના કાળની શરૂઆત થઇ છે, ત્યારથી એ જ સાંભળવા મળી રહ્યું છે કે ભારતમાં ચિપ સંકટ છે. સમાચારો મળતા જ રહે છે કે સેમીકંડકટરની ઉણપને કારણે ગાડીઓની લાંબી વેટીંગ છે. આવામાં ટાટાએ એક મોટી તક જોઇને નિર્ણય લીધો છે કે તે સેમીકંડકટર બનાવશે. શુક્રવારે ટાટા મોટર્સે ઘોષણા કરી કે તે પોતાના પોર્ટફોલિયામાં ઇલેક્ટ્રિક ગાડીઓને વધારવાની યોજના બનાવી રહ્યા છે. આ માટે કંપનીએ અવિન્યાનાં કોન્સેપ્ટને છતો કર્યો છે.

ટાટા સન્સનાં ચેરમેન એન ચંદ્રશેખરનએ કહ્યું છે કે કંપની બેટરી અને સેમીકંડકટર બનાવવામાં રોકાણ વધારવાની યોજના પર કામ કરી રહી છે. જ્યારે દેશમાં મોટા લેવલ પર સેમીકંડકટર અને બેટરીઓ બનશે તો તેની કિંમતોમાં પણ ઘટાડો જોવા મળી શકે છે. 

પોર્ટફોલિયોમાં ઇલેક્ટ્રિક ગાડીઓને વધારવાની ટાટાની યોજના 

ચંદ્રશેખરન કહે છે કે આવનાર દિવસોમાં ઇલેક્ટ્રિક ગાડીઓ જ કાર બીઝનેસને મજબૂત કરશે. ગયા અમુક વર્ષોમાં આમાં ઘણો વધારો જોવા મળ્યો છે. ચંદ્રશેખરનને આશા છે કે 2030 સુધીમાં કંપનીનાં પોર્ટફોલિયોમાં લગભગ 30 ટકા સેલ ઇલેક્ટ્રિક કારની જ હશે. તેમણે અવિન્યા વિષે વાત કરતા કહ્યું કે તેનું લોન્ચિંગ 2025માં થશે. તેના માધ્યમથી ગાડીઓની માઈલેજ વધી જશે અને માત્ર એક જ ચાર્જમાં ગાડી 500 કિલોમીટર સુધી ચાલશે. તેઓ બોલ્યા કે પહેલા સંપૂર્ણ રીતે ઇલેક્ટ્રિક પ્લેટફોર્મ હશે, જે ગાડીઓને નવી સ્ટાઈલ અને લુક પણ આપશે. તેમના મુજબ કંપની માટે ગ્લોબલ માર્કેટમાં ઘણી તકો છે, આવામાં ટાટા ગ્લોબલ બેન્ચમાર્કને ધ્યાનમાં રાખતા ગાડીઓને ડિઝાઈન કરી રહી છે. 

2030 સુધીમાં પોર્ટફોલિયોમાં 30 ટકા ઇલેક્ટ્રિક કાર મેળવવાનો ટાટાનો પ્લાન 

ચંદ્રશેખરને કહ્યું કે કંપની સેમીકંડકટર્સ બનાવવા વિષે વિચારી રહી છે. તેમણે કહ્યું કે ઇલેક્ટ્રિક બેટરીઓ બનાવવાનો પ્લાન ફાઈનલ થઇ ચુક્યો છે અને જલ્દી જ બેટરીઓ બનાવવાની પહેલ શરુ થઇ જશે. ટાટા ગ્રુપની પ્લાનિંગ છે કે તે ઇલેક્ટ્રિક વેહીકલ્સનાં પ્રોજેક્ટ્સમાં તમામ ઇન હાઉસ કંપનીઓને પણ સામેલ કરશે. ચંદ્રશેખરન અનુસાર, ટાટા મોટર્સ સિવાય આ પ્રોજેક્ટમાં ટીસીએસ, ટાટા પાવર, ટાટા કેમિકલ્સ અને ટાટા એલક્સી જેવી કંપનીઓને પણ આ પ્રોજેક્ટનો હિસ્સો બનાવવામાં આવશે. 

અવિન્યા વિષે આગળ વાત કરતા ટાટા મોટર્સનાં એમડી શૈલેશ ચંદ્ર કહે છે કે આ કાર નવી ટેકનીક, સોફ્ટવેર અને આર્ટીફીશીયલ ઈન્ટેલીજંસ સાથે આવે છે. ટાટા મોટર્સ અત્યારે નેક્સ્ન અને ટીગોરનાં ઇલેક્ટ્રિક વર્ઝન વહેંચે છે, જે પેટ્રોલ અને ડીઝલ વેરીયંટમાં ઉપલબ્ધ છે. ટાટા મોટર્સની ઘરેલૂ સેલ્સ ફાઈનાન્સિયલ યર 2022માં લગભગ 67 ટકા વધી છે. કંપનીએ 2021નાં 2.2 લાખ યુનિટની સેલનાં મુકાબલામાં 2022માં 3.7 લાખ ગાડીઓ વહેંચી છે. 

Photo Source: TATA MOTORS