ટાટા મોટર્સે આજે તેના વ્હીકલ લાઇનઅપમાં તમામ વાહનોની કિંમતોમાં વધારો કરવાની જાહેરાત કરી છે.
ટાટા મોટર્સે વાહનોની કિંમતોમાં વધારો કરવાની જાહેરાત કરી
કિંમતમાં લગભગ 1.2%નો વધારો કરવામાં આવશે
નવી કિંમતો 1 ફેબ્રુઆરી 2023થી લાગુ થશે.
દેશની અગ્રણી ઓટોમોબાઈલ ઉત્પાદક કંપની ટાટા મોટર્સ હાલ ઝડપથી તેના વ્હીકલ લાઇનઅપને અપડેટ કરવામાં વ્યસ્ત છે અને ટાટા એ તાજેતરમાં કંપનીએ સ્થાનિક બજારમાં ઘણા નવા મોડલ પણ રજૂ કર્યા છે. આ બધા વચ્ચે ટાટાની કાર ખરીદનારાઓ માટે મોટા સમાચાર હાલ સામે આવ્યા છે. જો તમે પણ ટાટાની સફારીથી લઈને નેક્સોન અથવા ટિયાગો સુધીની પેટ્રોલ-ડીઝલ કાર ખરીદવાનું વિચારી રહ્યા છો તો આ સમાચાર તમારા કામના છે, જણાવી દઈએ કે ટાટા મોટર્સે આજે તેના વ્હીકલ લાઇનઅપમાં તમામ વાહનોની કિંમતોમાં વધારો કરવાની જાહેરાત કરી છે.
વાહનોની કિંમતમાં વધારો કરવાની જાહેરાત કરી
કંપની દ્વારા પ્રાપ્ત માહિતી અનુસાર ટાટા મોટર્સ તેના તમામ ICE એટલે કે પેટ્રોલ-ડીઝલ સંચાલિત વાહનોની કિંમતમાં વધારો કરવાની જાહેરાત કરી છે અને ભાવવધારાની નવી કિંમતો 1 ફેબ્રુઆરી 2023થી લાગુ થશે. આ વિશે કંપનીનું કહેવું છે કે રેગ્યુલેટરી ફેરફારો અને ઇનપુટ ખર્ચમાં વધારાને કારણે વાહનોની કિંમતમાં વધારો કરવામાં આવી રહ્યો છે. જો કે હજુ સુધી કંપનીએ એ નથી જણાવ્યું કે કયા મોડલની કિંમતમાં કેટલો વધારો કરવામાં આવ્યો છે.
કિંમતમાં લગભગ 1.2%નો વધારો કરવામાં આવશે
આ ભાગવધાર વિશે ટાટા મોટર્સનું કહેવું છે કે,'વાહનોની કિંમતમાં લગભગ 1.2%નો વધારો કરવામાં આવશે અને આ વધારો વિવિધ મોડલ્સ અને વેરિઅન્ટ્સ માટે અલગ અલગ હશે. જણાવી દઈએ કે ટાટા મોટર્સ પેસેન્જર સેગમેન્ટમાં પોતાનો હિસ્સો ઝડપથી વધારી રહી છે અને ગયા વર્ષે ડિસેમ્બરમાં કંપનીની પ્રખ્યાત SUV Tata Nexon દેશમાં ચોથી સૌથી વધુ વેચાતી કાર રહી છે, જણાવી દઈએ કે આ દરમિયાન કંપનીએ આ કારના કુલ 12,053 યુનિટ વેચ્યા હતા અને કંપનીએ ડિસેમ્બર 2022 માં કુલ સ્થાનિક વેચાણમાં 10 ટકાનો વધારો નોંધાવ્યો હતો. જે 72,997 એકમો હતો, નોંધનીય છે કે એ પહેલાના વર્ષના સમાન મહિનામાં તે વેચાણ 66,307 એકમો હતો.
ઓટો એક્સપોમાં ટાટાની તેજી
જણાવી દઈએ કે ટાટા મોટર્સે ગ્રેટર નોઈડામાં આયોજિત આ વર્ષના ઓટો એક્સપોમાં ધૂમ મચાવી હતી અને આ દરમિયાન કંપનીએ તેના ઘણા કોન્સેપ્ટ અને ઇલેક્ટ્રિક મોડલ દુનિયા સામે રહુઈ કર્યા છે. જેમાં અવિન્યા, કર્વ, હેરિયર ઈલેક્ટ્રીક, સિએરા કોન્સેપ્ટ, પંચ સીએનજી, અલ્ટ્રાઝ સીએનજી વગેરે અગ્રણી રહ્યા છે. જણાવી દઈએ કે Harrier EVને લઈને કંપની ખૂબ જ સજાગ છે અને ટૂંક સમયમાં જ આ ઈલેક્ટ્રિક SUVને મજબૂત પાવરટ્રેન અને મજબૂત બેટરી પેક સાથે રજૂ કરવામાં આવશે. આ સિવાય કંપનીએ ડ્યુઅલ સિલિન્ડર ટેક્નોલોજીથી સજ્જ CNG વાહનો પણ રજૂ કર્યા છે.