ટાટા મોટર્સે પહેલી ઇલેક્ટ્રિક કાર લૉન્ચ કરી દીધી છે. ટાટાએ પોતાની એન્ટ્રી લેવલ હેચબેક કાર ટાટા ટિગોરનું ઇલેક્ટ્રિક વર્ઝન લૉન્ચ કર્યું છે. ટિગોરમાં 16.2 kWh બેટરી લાગેલી છે અને ફુલ ચાર્જિંગ પર ટિગોર 142 કિમીની અંતર કાપી શકે છે. તો બીજી બાજુ ટાટા આ કાર પર 3 વર્ષની વોરંટી પણ આપી રહી છે.
ટાટા ટિગોર ઇલેક્ટ્રિકની એક્સ શોરૂમ કિંમત 9.99 લાખ રૂપિયાથી શરૂ થાય છે. ટાટાએ આ કારના બે વેરિએન્ટ XM અને XT લૉન્ચ કર્યું છે. XM વેરિએન્ટની કિંમત 9.99 લાખ રૂપિયા અને XT વેરિએન્ટની કિંમત 10.90 લાખ રૂપિયા છે. તો બીજી બાજુ ફેમ 2 સ્કીમ હેઠળ 1.62 લાખ રૂપિયાની સબ્સિડી એની કિંમતમાં સામેલ છે. સબ્સિડી વગર એની કિંમત 11.61 લાખ અને 11.71 લાખ રૂપિયા થાય.
ટાટા ટિગોર ઇવી માત્ર ફ્લીટ ઑપરેટર્સ, ટેક્સી બાયર્સ માટે જ ઉપલબ્ધ રહેશે અને એને પ્રાઇવેટ બાયર્સ ખરીદી શકશે નહીં. ટાટા ટિગોર બેસ્ડ ટિગોર ઇવીના XT વેરિએન્ટમાં 14 ઇંચના અલૉય વ્હીલ્સ અને ઇલેક્ટ્રિક ORVM વધારે મળશે. જ્યારે ક્લાઇમેટ કંટ્રોલ, પૉવર વિન્ડોઝ, બ્લૂટબથ કનેક્ટિવિટીની સાથે હારમન ઑડિયો સિસ્ટમ, હાઇટ એડજેસ્ટેબલ ડ્રાઇવર સીટ જેવા ફીચર બંને વિરયન્ટમાં કૉમન હશે.
Tigor EV માં 72V,3 ફેઝ વાળુ એસી ઇન્ડક્શન મોટર મળશે. જે 4500 આરપીએમ પર 40 બીએચપી અને 2500 આરપીએમ પર 105 એનએમનો ટાર્ક આપશે. તો બીજી બાજુ એમાં સિંગલ સ્પીડ ઑટોમેટિક ટ્રાન્સમિશન મળશે. ટાટા મોટર્સનો દાવો છે કે ટિગોર 12 સેકન્ડમાં 0 થી 60 કિમી પ્રતિ કલાકની ઝડપ પકડી શકે છે. કારનું કુલ વજન 1516 કિગ્રા છે.
ઇલેક્ટ્રિક મોટરને 16.2kWh ની બેટરીનો પાવર આપશે, જે એક વખત ફુલ ચાર્જ થવા પર 142 કિમીની રેન્જ આપશે. તો બીજી બાજુ નોર્મલ ચાર્જ પર 360 મિનીટ એટલે કે 6 કલાકમાં 80 ટકા સુધી ચાર્જ થઇ જશે. તો બીજી બાજુ 15 kW ના ફાસ્ટ ચાર્જરથી આ 90 મીનિટમાં 80 ટકા સુધી ચાર્જ થઇ જશે.