TATA altroz with New feature / Tata એ લૉન્ચ કરી સસ્તી પણ જોરદાર કાર: 5 સ્ટાર રેટિંગ અને સનરૂફનો આનંદ , જાણો કેટલી છે કિંમત

• કંપનીએ Tata Altrozનું નવું CNG વેરિઅન્ટ બજારમાં લોન્ચ કર્યું
• સનરૂફથી સજ્જ વેરિઅન્ટ કાર બજેટ ફ્રેન્ડલી છે
• અલ્ટ્રોઝ હવે પેટ્રોલ, ટર્બો-પેટ્રોલ, ડીઝલ અને CNG પાવરટ્રેન્સમાં કુલ 16 વેરિઅન્ટમાં ઉપલબ્ધ છે

તાજેતરમાં જ ટાટા મોટર્સે  તેની પ્રખ્યાત પ્રીમિયમ હેચબેક કાર Tata Altrozનું નવું CNG વેરિઅન્ટ બજારમાં લોન્ચ કર્યું છે. હવે કંપનીએ Altrozના તમામ વેરિયન્ટ્સને સનરૂફ ફીચર સાથે અપડેટ કર્યા છે. ઉલ્લેખનીય છે કે, Hyundai i20 પછી આ સેગમેન્ટની બીજી કાર છે, જેમાં આ ફીચર આપવામાં આવ્યું છે. રસપ્રદ વાત એ છે કે, આ કાર બજેટ ફ્રેન્ડલી એટલે કે સસ્તી છે જે સનરૂફ ફીચર સાથે આવે છે. સનરૂફથી સજ્જ વેરિઅન્ટની પ્રારંભિક કિંમત 7.90 લાખ રૂપિયા (એક્સ-શોરૂમ) થી શરૂ થાય છે.

અલ્ટ્રોઝ હવે પેટ્રોલ અને ડીઝલ એન્જિન સાથે કુલ 13 નવા વેરિયન્ટ્સમાં રજૂ કરવામાં આવી છે. ટાટાએ મિડ-સ્પેક XM+ ટ્રીમમાંથી અલ્ટ્રોઝમાં સનરૂફનો સમાવેશ કર્યો છે અને તે પેટ્રોલ, ટર્બો-પેટ્રોલ, ડીઝલ અને CNG પાવરટ્રેન્સમાં કુલ 16 વેરિઅન્ટમાં ઉપલબ્ધ છે. સામાન્ય રીતે, સનરૂફથી સજ્જ વેરિયન્ટ્સ રેગ્યુલર મોડલ કરતાં રૂ. 45,000 જેટલા મોંઘા હોય છે. ઉલ્લેખનીય છે કે, Altroz ની Dark Editionમાં હવે સનરૂફ પણ મળે છે.

After launching the Altroz CNG with a single-pane electric sunroof, @TataMotors has made the feature available across the rest of the Altroz line-up. With prices starting at Rs 7.90 lakh, it's the most affordable car with a sunroof in India.

More info: https://t.co/adqqmoxsNu

— Autocar India (@autocarindiamag) May 31, 2023

આ અગાઉ સનરૂફ જેવી સુવિધા હ્યુન્ડાઈ i20ના ટોપ વેરિઅન્ટ Asta અને Asta (ઓપ્શનલ) ટ્રીમમાં જ ઉપલબ્ધ હતી, જેની કિંમત રૂ. 9.03 લાખથી શરૂ થાય છે. આ અર્થમાં, અલ્ટ્રોઝ સેગમેન્ટની સૌથી વધુ સસ્તી કાર બની ગઈ છે જે સનરૂફ ફીચર સાથે આવે છે. આ સિવાય ટાટાએ કારને વાયરલેસ ચાર્જર, એર પ્યુરિફાયર અને લેધરેટ અપહોલ્સ્ટરી જેવી સુવિધાઓથી પણ સજ્જ કરી છે. આ કારમાં પહેલાથી જ આપવામાં આવેલી અન્ય તમામ સુવિધાઓ પણ સામેલ છે.

તેના એન્જિન મિકેનિઝમમાં કોઈ ફેરફાર કરવામાં આવ્યો નથી, આ કાર 86hp સાથે 1.2-લિટર નેચરલી એસ્પિરેટેડ પેટ્રોલ એન્જિન, 110hp સાથે 1.2-લિટર ટર્બો-પેટ્રોલ એન્જિન અને 90hp પાવર આઉટપુટ સાથે 1.5-લિટર ડીઝલ એન્જિન સાથે આવે છે. આ એન્જિનો 5-સ્પીડ મેન્યુઅલ ટ્રાન્સમિશન ગિયરબોક્સ સાથે સ્ટાન્ડર્ડ તરીકે જોડાયેલા છે, જોકે 1.2L નેચરલી એસ્પિરેટેડને 6-સ્પીડ ઓટોમેટિક ગિયરબોક્સનો વિકલ્પ પણ મળે છે.

5 સ્ટાર સેફ્ટી રેટિંગ 
ટાટાની પ્રીમિયમ હેચબેકમાં સેમી-ડિજિટલ ઇન્સ્ટ્રુમેન્ટ ક્લસ્ટર સાથે કનેક્ટેડ કાર ટેક સાથે 7-ઇંચની ટચસ્ક્રીન ઇન્ફોટેનમેન્ટ સિસ્ટમ મળે છે. તે એમ્બિયન્ટ લાઇટિંગ અને ક્રૂઝ કંટ્રોલ પણ મેળવે છે. Tata Altroz ​​માટે સંખ્યાબંધ કસ્ટમાઇઝેશન વિકલ્પો સાથે આવે છે. તે દેશની સૌથી સુરક્ષિત હેચબેકમાંની એક છે અને તેમાં ડ્યુઅલ ફ્રન્ટ એરબેગ્સ, ISOFIX ચાઈલ્ડ-સીટ એન્કર, ઓટો પાર્ક લોક (ફક્ત DCT) અને પાછળના પાર્કિંગ સેન્સર છે. કારને ગ્લોબલ NCAP ક્રેશ ટેસ્ટમાં 5-સ્ટાર સેફ્ટી રેટિંગ મળ્યા છે.