ઓછી કિંમતમાં શાનદાર ફીચર્સ અને દમદાર લુક્સને કારણે ટાટા અલ્ટ્રોઝે પ્રીમિયમ હેચબેક સેગ્મેન્ટમાં બાજી મારી લીધી છે. ટાટાની આ શાનદાર કાર આ વર્ષે જ જાન્યુઆરીમાં લોન્ચ થઈ છે. હવે કંપની ટાટા અલ્ટ્રોઝની ટર્બો પેટ્રોલ વર્ઝન લાવવાની તૈયારી કરી રહી છે.
હકીકતમાં છેલ્લા કેટલાક મહિનામાં ટાટાની કારોની ડિમાન્ડ વધી છે. ખાસ કરીને ટાટા અલ્ટ્રોઝ અને એન્ટ્રી લેવલની કાર ટાટા ટિયાગોના વેચાણમાં ભારે વધારો થયો છે, કારણ કે કોરોના સંકટમાં નાની કારોની માંગ વધી છે. થોડાં મહિનામાં જ અલ્ટ્રોઝ કંપનીની ત્રીજી સૌથી વધુ વેચાનાર કાર બની ગઈ છે.
ટાટા અલ્ટ્રોઝ ટર્બો પેટ્રોલ વર્ઝનને ટેસ્ટિંગ દરમિયાન જોવામાં આવી છે. કંપની ફેસ્ટિવ સીઝન દરમિયાન તેને ભારતીય બજારમાં ઉતારશે. ટાટા અલ્ટ્રોઝના ટર્બો વેરિઅન્ટમાં 1.2 લીટર 3 સિલેન્ડર ટર્બોચાર્જ્ડ પેટ્રોલ એન્જિન આપવામાં આવી સકે છે. જે 108 બીએચપી પાવર અને 140 એનએમ ટોર્ક જનરેટ કરે છે.
નવી ટાટા અલ્ટ્રોઝ ડ્યૂલ ક્લચ ઓટોમેટિક ગિયરબોક્સની સાથે લોન્ચ થશે. બજારમાં રહેલી ટાટા અલ્ટ્રોઝની શરૂઆતી કિંમત 5.29 લાખ રૂપિયા છે જ્યારે તેના ટોપ વેરિઅન્ટની કિંમત 7.74 લાખ રૂપિયા છે. ઓગસ્ટમાં અલ્ટ્રોઝના 4941 યૂનિટ્સ વેચાયા. ભારતીય બદારમાં ટાટા અલ્ટ્રોઝ પેટ્રોલ અને ડીઝલ બંને ઓપ્શનમાં ઉપલબ્ધ છે. બંને વેરિઅન્ટ બીએસ 6 કમ્પ્લાયન્ટ સાથે આવે છે.
કંપની અલ્ટ્રોઝ પેટ્રોલ વેરિઅન્ટમાં 19 કિમી પ્રતિ લીટર અને ડીઝલમાં 25 કિમી પ્રતિલીટર માઈલેજનો દાવો કરે છે. અલ્ટ્રોઝની લંબાઈ 3990 mm, પહોળાઈ 1755 mm, ઊંચાઈ 1523 mm અને વ્હીલબેસ 2501 mm છે. અલ્ટ્રોઝ પાંચ વેરિઅન્ટમાં આવે છે. જેમાં XE, XM, XT, XZ અને XZ (O) સામેલ છે. અલ્ટ્રોઝ ટાટાની બીજી એવી કાર છે જે સૌથી સુરક્ષિત છે. ભારતીય બજારમાં ટાટાની આ કારની સીધી ટક્કર Maruti Suzuki Baleno અને Hyundai i20થી છે.