ઓટોમોબાઈલ / TATAની આ શાનદાર કાર આ તારીખે થશે લૉન્ચ, સિંગલ ચાર્જમાં 300 કિ.મી, જાણો કિંમત

• દેશની વાહન બનાવતી સૌથી મોટી કંપનીએ કાર લોન્ચની તૈયારી કરી 
• આ વર્ષે લોન્ચ નહીં થાય Tata Altroz EV
• માહિતી અનુસાર સિંગલ ચાર્જમાં 300 કિમી સુધી ચાલશે Altroz EV

દેશની સૌથી મોટી વાહન બનાવતી કંપની ટાટા મોટર્સે નવી પ્રીમીયમ હેચબેક કાર લોન્ચ કરવાની તૈયારી કરી છે. કારની અધિકારીક બુકિંગ શરુ કરી દેવામાં આવી છે. કંપની આ કારની ઇલેક્ટ્રિક વર્ઝન પર કામ કરી રહી છે. માહિતી અનુસાર કંપની Tata Altroz EV ઇલેક્ટ્રિકને વર્ષ 2021માં લોન્ચ કરશે. 

આ વર્ષે લોન્ચ નહીં થાય Tata Altroz EV

ઘણા દિવસથી ચર્ચા હતી કે કંપની દ્વારા આ કાર આ વર્ષે લોન્ચ કરી શકાય છે. પરંતુ હવે સ્પષ્ટ કરી દેવામાં આવ્યું છે એ કે ઇલેક્ટ્રિક કાર આ વર્ષે બજારમાં આવશે નહિ. હાલમાં જ કંપનીએ TIGOR EV પણ લોન્ચ કરી છે અને કંપનીની પહેલી ઇલેક્ટ્રિક એક્સ્યુવી NEXON EVને પણ જાહેર કરવામાં આવી છે. 

કાર લોન્ચ કરવામાં 12થી 18 મહિનાનો સમય લાગી શકે 

આ કારની લોન્ચની આધિકારિક તારીખ હજુ સુધી બહાર પાડવામાં નથી. કંપનીનું કહેવું છે કે આ કાર લોન્ચ કરવામાં 12થી 18 મહિનાનો સમય લાગી શકે છે. જોકે કંપની ઇલેક્ટ્રિક કાર માટે ખુબ ઝડપથી કામ કરી રહી છે કંપનીનાં લક્ષ્ય પ્રમાણે આગામી 18 મહિનામાં 4 ઇલેક્ટ્રિક મોડલ લોન્ચ કરશે. 

કારની કિંમત 15 લાખ રૂપિયા સુધી હોઈ શકે 

કારની પાવર ટ્રેન વિશે હજુ સુધી કહેવામાં આવ્યું નથી છતાં મળતી માહિતી અનુસાર સિંગલ ચાર્જમાં કાર 300 કિમી સુધી ચાલી શકશે. કારની અંદર હાલમાં જ લોન્ચ કરવામાં આવેલ ALTROZ કાર જેવા ફીચર્સ આપવામાં આવશે. કારની કિંમત વિશે કંઈ કહેવું હાલ અઘરું કામ છે છતાં માનવામાં આવી રહ્યું છે કે કારની કિંમત 15 લાખ રૂપિયા સુધી હોઈ શકે છે.