મધ્યપ્રદેશના જામ્બુઆ જિલ્લાના જાંબાજ ખેડૂતે એવું કામ કરી બતાવ્યું કે તેની નોંધ સરકારે પણ લેવી પડી. જામ્બુઆ એક પહાડી આદિવાસી ક્ષેત્ર છે. જ્યાં ખેતી કરવી ખુબ જ મુશ્કેલી ભરેલું કામ છે. વરસાદ આધારિત ખેતી હોવાના કારણે ખેડૂતોને મરજી મુજબનું પરિણામ નથી મળતું. એવામાં અહીંયાના એક ખેડૂત રમેશ રમેશ બારીયાએ એક નવી જ ટેક્નિક શોધી લીધી.
મધ્યપ્રદેશ સરકારના કૃષિ પ્રધાન તરફથી પ્રશંસાપત્ર પણ એનાયત કરાયું
ટપક સિંચાઈ પદ્ધતિનો બેમિસાલ નમૂનો
ગ્લુકોઝની ખાલી બોટલ 20 રૂપિયે કિલોના ભાવે ખરીદી
મધ્યપ્રદેશના રમેશ બારિયાએ એક એવી સિંચાઈની પદ્ધતિ અપનાવી કે, MP સરકારે તેનું સન્માન કરવું પડ્યુ.
2009-10માં રમેશ NAIP (National Agricultural Innovation Sub Project)-KVKના કૃષિ વૈજ્ઞાનિકોના સંપર્કમાં આવ્યો તેણે તેને આ જમીનમાં શાકભાજીની ખેતી કરવાનું સૂચન કર્યુ જે રમેશે માન્યુ અને પોતાના ખેતરના એક ચાસમાં સરસ મજાની શાકભાજીની ખેતી કરવા લાગ્યો. શિયાળા અને વરસાદની સિઝનમાં વાંધો નહતો આવતો પણ ઉનાળામાં શું?
એક ચાસમાં શાકભાજી તો ઉગાડ્યા પણ
તેણે જમીનના એક પટ્ટામાં કારેલા, દૂધ સહિતના શાકભાજી ઉગાડ્યા અને નાનકડી નર્સરી પણ શરૂ કરી જેથી તેને ખેતીમાં ફાયદો થાય પણ જો વરસાદ ખેંચાઈ જાય તો તેને પાણીની તંગી સર્જાતી જેને લીધે તેનું આખા વર્ષનું ગણિત ખોરવાઈ જતુ હતુ. અને એટલે જ તે ફરીથી નિષ્ણાંતોને મળ્યો.
ગ્લુકોઝની ખાલી બોટલ 20 રૂપિયે કિલોના ભાવે ખરીદી
નિષ્ણાંતો સાથેની વાતચીતમાં તેને આઈડિયા મળ્યો. તેણે વપરાયેલી ગ્લુકોઝની ખાલી બોટલ 20 રૂપિયે કિલોના ભાવે ખરીદી લીધી. પાણી માટે ઈનલેટ બનાવવા માટે તેણે બોટલનો ઉપરનો અડધો ભાગ કાપી બીજા અડધાભાગની નીચે જોડી દીધો. તે પછી, તેણે આ ભરેલી બોટલને છોડની નજીક લટકાવી દીધી અને આઇ.વી.થી બોટલોમાં પાણીનો સતત પ્રવાહ શરૂ થયો પણ ટપક ટપક એટલે કે ટપક સિંચાઈ પદ્ધતિની આખી પાઈપલાઈન તૈયાર કરી નાંખી.
મધ્યપ્રદેશ સરકારના કૃષિ પ્રધાન તરફથી પ્રશંસાપત્ર પણ એનાયત કરાયું
સીઝનના અંતમાં, તે 0.1 હેક્ટર જમીનમાંથી 15,200 રૂપિયાનો નફો મેળવવામાં સફળ રહ્યો. આ ટેક્નિકને કારણે તેના પાકને પાણી મળતું રહ્યું, અને આ જ ગ્લુકોઝ પ્લાસ્ટિકની બોટલોનો ફરીથી ઉપયોગ કરી બીજા પાકમાં પણ મદદગાર રહી. અનોખી સિંચાઈ પદ્ધતિ અપનાવવા માટે રમેશ બારીયાને જિલ્લા પ્રશાસન અને મધ્યપ્રદેશ સરકારના કૃષિ પ્રધાન તરફથી પ્રશંસાપત્ર પણ એનાયત કરાયું હતું.