ગુજરાતના ખેડૂતો દિવસને દિવસે વધુને વધુ પ્રગતિશીલ ખેતી કરી રહ્યા છે ત્યારે રાજકોટમાં વધુ એક પ્રગતિશીલ ખેતીનો નમીનો સામે આવ્યો છે. ગુજરાતમાં પણ ખાટી મીઠી સ્ટ્રોબેરીનો સ્વાદ માણવા મળી રહ્યો છે. હા આ જ તો તાતની સફળતાની વાત છે.
ખેડૂત એન્જિનિયર અને ગ્રેજ્યુએટ છે
ખેડૂત એન્જિનિયર અને ગ્રેજ્યુએટ છે
બે પ્રકારની સ્ટ્રોબેરી સ્વીટ સેન્સેશન અને વિન્ટર ડોનમાં ફળ આવવા લાગ્યા
રાજકોટ જિલ્લાના ગોંડલ તાલુકાના ગોમટા ગામના નિવાસી પ્રગતિશીલ ખેડૂત ભાઈઓ રાજુભાઈ ધુલીયા અને ગીરીશભાઈ ધુલીયાએ સ્ટ્રોબેરીની ખેતીનો સફળ પ્રયોગ કર્યો છે. કેમિકલ એન્જિનિયર ગિરિશ ધુલિયા અને તેમના ગ્રેજ્યુએટ ભાઈ રાજુ ધુલિયાએ લોકડાઉનમાં સ્ટ્રોબેરી ઉગાડવાનો વિચાર આવ્યો.
શું કહે છે ખેડl?
ગિરિશ ધુલિયાએ કહ્યું કે, 'અમે મહાબળેશ્વર ગયા હતા ત્યારે ગાર્ડનમાં ઢગલા મોઢે સ્ટ્રોબેરીના છોડ જોયા હતા. જેથી અમને આ દ્રશ્ય જોઈને ખૂબ જ આનંદ થયો. અમે જાણતા હતા કે આપણા ગુજરાતના ગરમ અને ભેજવાળા વિસ્તારમાં સ્ટ્રોબેરી ઉગી શકે નહીં પરંતુ અમારે આ અશક્યને શક્ય કરવું હતું અને અમે પુણેની એક કન્સલ્ટન્સી ફર્મનો સંપર્ક સાધ્યો. તેમણે અમને પ્લાન્ટ ટિશ્યુ કલ્ચર દ્વારા સ્ટ્રોબેરી ઉગાડવાનો રસ્તો દેખાડ્યો.' તેમના આ પ્રયોગથી જાણે રાજકોટ ની ભાગોળે એક નવું મહાબળેશ્વર હોઈ તેમ લાગી રહ્યું છે. હવે અમે પ્લાન્ટ ટિશ્યુ કલ્ચરથી સ્ટ્રોબેરીઝ ઉગાડવામાં સફળ થયા છીએ. હાલ અમે દરરોજ 20થી 25 કિલો સ્ટ્રોબેરી મેળવીએ છીએ અને જેમ જે શિયાળો આવશે તેમ તેમ પાક વધુ આવશે.'
ખેડૂત એન્જિનિયર અને ગ્રેજ્યુએટ છે
અંદાજિત ચાર એકર જમીનમાં સ્ટ્રોબેરી વાવનાર ખેડૂત રાજુભાઈ ધુલીયા અને ગીરીશભાઈ ધુલીયાએ આ સ્ટ્રોબેરી અંગે વાત કરતા કહ્યું કે, પુણેથી 1 લાખ પ્લાન્ટ ખરીદ્યા હતા. જેના દ્વારા સ્ટ્રોબેરીની ખેતીનો અફલાતૂન પ્રયોગ સફળતા પૂર્વક કરી અન્ય ખેડૂતો માટે પ્રેરણા રૂપ દાખલો બેસાડ્યો છે. આ પ્લાન્ટ ટિશ્યુ કલ્ચર મેથડ અંતર્ગત તેમણે ખેતરમાં પ્લાસ્ટિક શીટને પાથરી અને તેમાં કાંણા પાડી તેની અંદરથી આ છોડને જમીનમાં રોપી દીધા. આ પ્લાસ્ટિક શીટથી જમીનો ભેજ હવામાં ઉડતા અટકે છે અને તેના કારણે પ્લાન્ટ વિકાસ પામે છે.
બે પ્રકારની સ્ટ્રોબેરી સ્વીટ સેન્સેશન અને વિન્ટર ડોનમાં ફળ આવવા લાગ્યા
15 ઓક્ટોબરથી સ્ટ્રોબેરીનું પ્લાન્ટેશન શરું કર્યું હતું. આ 1 લાખ છોડને અમે બે મહિના સુધી ખાતર, પાણી અને દવા આપીને માવજત હતી. ત્યારબાદ સ્ટ્રોબેરીએ પાક આપવાનું શરું કર્યું. અમે ચાર પ્રકારની સ્ટ્રોબેરી વાવી છે. વિન્ટર સ્ટાર્ટ, વિન્ટર ડોન, સ્વીટ સેન્સેશન અને ઇલિઓટ.' હાલ બે પ્રકારની સ્ટ્રોબેરી સ્વીટ સેન્સેશન અને વિન્ટર ડોનમાં ફળ આવવા લાગ્યા છે. અમને આશા છે કે 15 માર્ચ સુધી આ રીતે પાક આવતો જ રહેશે.
ખેડૂત એન્જિનિયર અને ગ્રેજ્યુએટ છે
બંને ભાઈઓ પૈકી ગિરિશભાઈ કેમિકલ એન્જીનિયર છે જ્યારે રાજુભાઈ ગ્રેજ્યુએટ છે. ગિરિશભાઈ IPCLના વડોદરા પ્લાન્ટમાં કામ કરતા હતા. આ પહેલા તેમણે UAEમાં એન્જીનીયર તરીકે કામ કર્યું છે. ચોર અને પ્રાણીઓથી સ્ટ્રોબેરીને બચાવવા માટે ધુલિયાભાઈઓએ પોતાના ખેતર ફરતે ઇલેક્ટ્રિક ફેન્સિંગ અને સીસીટીવી લગાવ્યા છે. તેમણે કહ્યું કે અમારો ટાર્ગેટ 25 ટન સ્ટ્રોબેરી ઉત્પાદનનો છે જેને અમે રાજકોટ સહિત ગુજરાતના અન્ય શહેરોમાં પહોંચાડીશું.