આપણને કોઈ તકલીફ ઉભી થાય તો આપણે તરત પોલીસની સંપર્ક કરીયે છીએ આપણી કઈ વસ્તુ ચોરી થાય તો આપણે તરત પોલીસ સ્ટેશન પહોંચી જઇયે છીએ પરંતુ તાજેતરમાં PSIનો એક નહીં પણ બે મોબાઈલ ચોરી થયાની ચોકાવનારી ઘટના સામે આવી છે.
અમદાવાદમાં મહિલા PSIના 2 મોબાઈલની ચોરી થઇ છે. સાથે પોકેટ કોપ મોબાઇલની પણ ચોરી થઇ હોવાનું સામે આવ્યું છે..સમગ્ર મામલે શાહીબાગ પોલીસ સ્ટેશનમાં ફરિયાદ નોંધાઇ છે.
રખિયાલ પોલીસ સ્ટેશનમાં ફરજ બજાવતા મહિલા PSIના મોબાઈલ ચોરી થયા છે. ગત રાત્રે ધાબા પર ઊંઘતા મહિલા અધિકારીનો મોબાઈલ ચોરીને ચોરોએ ખુબ મોટો ઝાટકો આપી દીધો છે. આ બનાવ માધુપુરા પોલીસ લાઈનનો છે. આ અંગે શાહીબાગ પોલીસ સ્ટેશનમાં ફરિયાદ નોંધવામાં આવી છે.