ટકોર / કોરોનાના વિશેષજ્ઞો કેમ PM મોદીથી છે નારાજ, જાણો વિશેષજ્ઞોએ PMને પત્ર લખી આકરા શબ્દોમાં શું કહ્યું...

• કોરોનાના વિશેષજ્ઞોનો પીએમને પત્ર
• કોરોનાના વિશેષજ્ઞો પીએમ મોદીથી છે નારાજ
• સરકારના પગલા પર સવાલ ઉઠાવ્યા

કોરોના વાયરસ ચેપ અંગેના રાષ્ટ્રીય ટાસ્ક ફોર્સના નિષ્ણાતોએ આ સંદર્ભમાં વડા પ્રધાન નરેન્દ્ર મોદીને પત્ર પણ લખ્યો છે. આ પત્રમાં કહેવામાં આવ્યું છે કે કોરોનાનો ચેપ સમુદાયમાં  દેશના ઘણાં ઝોનમાં ફેલાઈ રહ્યો છે. આવી સ્થિતિમાં તે માનવું ખોટું હશે કે હાલની પરિસ્થિતિમાં કોરોના ચેપને કાબૂમાં રાખવો શક્ય બનશે.

કોરોના પર નજર રાખવા માટે એપ્રિલમાં રચાયેલ ટાસ્ક ફોર્સે પણ કોરોના ઉપરના નિયંત્રણ અંગે સરકારના વલણ અંગે સવાલ ઉઠાવ્યા છે.  ઉલ્લેખનીય છે કે અગાઉ દેશમાં કોરોનાના સમુદાયમાં ફેલાવાના કેસો સામે આવ્યા હતા. આઇસીએમઆર (ભારતીય તબીબી સંશોધન સંસ્થા) એ પણ એપ્રિલમાં આ વાત કરી કરી.

વડા પ્રધાનને લખવામાં આવેલા આ પત્રમાં એવું કહેવામાં આવ્યું છે કે લોકડાઉન દરમિયાન નીતિઓમાં સખત કડક કાર્યવાહી અને સંકલનના અભાવને કારણે દેશની જનતાને વેઠવુ પડી રહ્યું છે. પત્રમાં કહેવામાં આવ્યું છે કે દેશમાં કોરોના સમુદાયમાં ફેલાવા માંડ્યો છે. આવી સ્થિતિમાં કોરોના પર કાબૂ મેળવવાનો વિચાર વાસ્તવિકતાથી દૂર છે.

પત્રમાં જણાવાયું છે કે સરકારે શરૂઆતમાં ચેપ નિષ્ણાતોનો અભિપ્રાય લેવો જોઈએ. ટાસ્ક ફોર્સે જણાવ્યું છે કે દેશના વિવિધ ભાગોથી પરત ફરતા મજૂરો તેમની સાથે વાયરસ પોતાની સાથે લઈ આવી રહ્યા છે. જ્યારે ચેપનો દર ધીમો હતો ત્યારે જ મજૂરોને ઘરે જવા દેવાની પરવાનગી આપવામાં આવી હોત તો આ પરિસ્થિતિ ટાળી શકાય તેમ હતી.