ગજબ કહેવાય / 85 વર્ષના 'ટાર્જન કાકા'એ કરી કમાલ, 45 વર્ષ જૂની બાઈકને બનાવી દીધી 'રોબોટ'

• કાકાએ 45 વર્ષ જૂની બાઈકને બનાવી દીધી રોબોટ
• બાઈકની અંદર રહેલી વિશેષતાઓ જોઈને તમે ચોંકી જશો
• કાકાનો અવાજ સાંભળતા જ બાઈક જાતે થાય છે સ્ટાર્ટ

કાકાએ 45 વર્ષ જૂની બાઈકને બનાવી નવી બાઈક  

લોકો ભંગારમાં પડેલી જૂની બાઈક્સને વેચી દે છે અથવા પછી તેના સ્પેરપાર્ટસને નિકાળીને બીજામાં ફિટ કરી દે છે, પરંતુ એક કાકાએ તો કમાલ કરી નાખી. કાકાએ 45 વર્ષ જૂની બાઈકને એવુ રૂપ આપી દીધુ કે જોનારા બસ જોતા રહી ગયા. આ બાઈકની અંદર એટલી વિશેષતાઓ છે કે આ એક રોબોટની જેમ કામ કરે છે. સારી વાત એ છે કે આ બાઈકને ઈશારો કરતા જ સ્ટાર્ટ થાય છે. 

લોકો ટાર્જન કાકા કહે છે 

ઉત્તર પ્રદેશના બરેલીમાં રહેતા મોહમ્મદ સઈદને લોકો ટાર્જન ચાચા કહે છે. મીડિયા રિપોર્ટસ મુજબ તેઓ 85 વર્ષના છે અને તેમની પાસે એક 15 વર્ષ જૂની બાઈક હતી. આ બાઈક થોડા સમય પહેલા ખરાબ થઇ તો તેમણે આ બાઈકની તસ્વીર જ બદલી નાખી. કાકાએ તેમાં ઘણી વસ્તુઓ બહારથી લગાવી અને ફરીથી ચાલવા લાગી. આ બાઈક પર તેઓ સૂરમા વેચે છે. 

ટાર્જન કાકાના ઈશારે ચાલે છે 

હવે આ બાઈક ટાર્જન કાકાના ઈશારે ચાલે છે. તેમનો અવાજ સાંભળતા જ બાઈક જાતે સ્ટાર્ટ થાય છે. એટલું જ નહીં, બાઈકમાં એક ખાસ એટીએમ મશીન પણ લગાવેલુ છે. ટાર્જન કાકાનો અવાજ આવતા મશીનમાંથી આપોઆપ પૈસા પણ નિકળવા લાગે છે. આ સાથે આ ગીત પણ સાંભળે છે. આ બાઈકની આવી વિશેષતાઓ જોઈને લોકો હેરાન છે.