2020એ સમગ્ર દુનિયાના લોકોની જીવવાની રીત બદલી નાંખી છે. હાલમાં લોકો મનોરંજન દ્વારા ખુશ થઇ જાય છે અને તેનું સૌથી મોટુ ઉદાહરણ છે યાહૂની આ વર્ષની લિસ્ટ. જેમાં કોમેડી શૉ તારક મહેતા કા ઉલ્ટા ચશ્માને સૌથી વધારે સર્ચ કરાયેલો શૉ બની ગયો છે.
જેઠાલાલ સામે ફીકા પડ્યા કાલિન ભૈયા
12 વર્ષથી સદાબહાર જેઠાલાલ
મિર્ઝાપૂર અને દિલબેચારાથી આગળ જેઠાલાલ
યાહૂની આ લિસ્ટમાં સૌથી વધુ સર્ચ થયેલા શૉ મિર્ઝાપુર અને બિગબોસને પણ પાછળ છોડી દીધો છે. છેલ્લા 12 વર્ષથી જેઠાલાલનો અલગ અંદાજ લોકોને ખુબ ગમી રહ્યો છે.
યાહૂનું આ લિસ્ટ મંગળવારે સામે આવ્યુ હતુ જેમાં પૌરાણિક ટીવી સિરીયલ અને લૉકડાઉનમાં વધુ ટીઆરપી મેળવેલ રામાયણ અને મહાભારત પણ સામેલ છે. મહાભારત આ લિસ્ટ પર 2 નંબર પર છે અને 4 રામાયણ 4 નંબર પર છે. આ શૉ લૉકડાઉન દરમિયાન ફરીથી ટેલિકાસ્ટ થયા હતા.
ત્રીજા નંબર પર સુશાંત સિંહ રાજપૂતની છેલ્લી ફિલ્મ દિલ બેચારા રહી હતી. સુશાંતની મોત બાદ આ ફિલ્મ ડિઝ્ની પ્લસ હોટસ્ટાર પર રિલીઝ કરવામાં આવી હતી અને તેને દર્શકોએ ખુબ પસંદ કરી હતી. યાહૂ અનુસાર સુશાંત સિંહ રાજપૂત આ વર્ષે સૌથી વધારે સર્ચ કરનારા સેલિબ્રિટી બની ગયા છે અને એક્ટ્રેસીઝમાં રિયા ચક્રવર્તીનું નામ છે.
ધ કપિલ શર્મા શૉ આ લિસ્ટમાં રામાયણ બાદ 5મા નંબર પર છે અને ટાઇગર શ્રોફની ફિલ્મ બાગી-3 છઠ્ઠા નંબર પર છે. આ ફિલ્મ ભારતમાં કોરોના પ્રસાર દરમિયાન રિલીઝ થઇ હતી અને તેને થિયેટરમાં લાંબો સમય મળ્યો ન હતો. જ્યારે બિગબોસ સાતમા નંબરે રહ્યું હતુ.