ભારતીય ટેલિવિઝનની સૌથી લોકપ્રિય સીરિયલ તારક મહેતા કા ઉલ્ટા ચશ્મા વર્ષોથી દર્શકોના દિલ પર રાજ કરી રહી છે. આ શો આટલો લોકપ્રિય થવા પાછળ શોના કલાકારોની મહેનત છે, જે સ્ક્રીન પર દેખાય છે. એવી જ એક શોની કલાકાર છે પલક સિધવાની. પલક શોમાં સોનાલિકા આત્મારામ ભિડે એટલે કે સોનૂનું પાત્ર ભજવી રહી છે. પલક મધ્યપ્રદેશના એક નાનકડા શહેરની છોકરી છે.
તારક મહેતા છે સૌથી પોપ્યુલર શો
તારક મહેતાના કલાકારો કરે છે સખત મહેનત
શોમાં સોનૂનો રોલ પ્લે કરનાર પલકે કરી છે ખૂબ સ્ટ્રગલ
પલકને નાની ઉંમરથી જ એક્ટિંગનો શોખ હતો. તેણે મનસાની કોન્વેન્ટ સ્કૂલમાં અભ્યાસ કર્યો છે. તે એક્ટિંગમાં કરિયર બનાવવા માંગતી હતી, પરંતુ તેના માતા-પિતા તેની આ ઈચ્છાની વિરૂદ્ધ હતા. જોકે, પલકનો મોટો ભાઈ હર્ષિત ઈચ્છતો હતો કે પલક એક્ટિંગમાં કરિયર બનાવે. જેથી તે 2016માં પલકને મુંબઈ લઈને આવ્યો. પછી પલકે અભ્યાસની સાથે મોડલિંગ કરવાનું પણ શરૂ કર્યું. તેણે એડમાં પણ કામ કર્યું. તેણે ગૂગલ, એચપી, આઈસીઆઈસીઆઈ, અમૂલ જેવી બ્રાન્ડ્સનું ટીવી કમર્શિયલ પણ શૂટ કર્યું.
પલકે મુંબઈ એસઆઈઈએસ કોલેજ ઓફ આર્ટ્સ એન્ડ કોમર્સથી ગ્રેજ્યુએશન કર્યું છે. વર્ષ 2018માં પલકે કોલેજનું મોડલિંગ કોમ્પિટિશન પણ જીત્યું હતું. ત્યારબાદ પલકે બોલિવૂડ ડિરેક્ટર સુધીર મિશ્રા સાથે પણ કામ કર્યું. સુધીર મિશ્રાની વેબ સીરિઝ હોસ્ટેજિસમાં તેણે કામ કર્યું, એક શોર્ટ ફિલ્મ ધ બારમાં પણ તેણે કામ કર્યું છે. આ સિવાય પલક ઘણાં ડિરેક્ટર્સ સાથે આસિસ્ટન્ટ તરીકે પણ કામ કરી ચૂકી છે અને કાસ્ટિંગ પ્રોજેક્ટ્સમાં પણ આસિસ્ટન્ટ રહી ચૂકી છે.
તારક મહેતાથી મળી ઓળખ
પલકને થોડા સમય પહેલાં જ તારક મહેતામાં સોનૂ ભિડેનો રોલ મળ્યો. તેણે એક ઈન્ટરવ્યૂમાં જણાવ્યું હતું કે તેને બે શો એકસાથી ઓફર થયા હતા, પરંતુ તેણે તારક મહેતાને પસંદ કર્યો. આ શોથી જ તેને દર્શકો વચ્ચે ઓળખ મળી.