સોની સબના કૉમેડી શો 'તારક મહેતા કા ઉલ્ટા ચશ્મા' ઓડિયન્સમાં ખૂબ જ પૉપ્યુલર છે. શોના લગભગ તમામ કેરેક્ટર્સ લોકો વચ્ચે ખૂબ જ પૉપ્યુલર છે, તે પછી જેઠાલાલ -બબીતાથી લઇને રિટા રિપોર્ટર હોય.
જી હા, શોમાં રિટા રિપોર્ટરને પણ ઓડિયન્સ ખૂબ જ પસંદ કરે છે. 'તારક મહેતા કા ઉલ્ટા ચશ્મા' ની ગોકુલધામ સોસાયટીમાં જન્માષ્ટમીનો ઉત્સવ હોય કે ખેલ મહોત્સવ કે પછી ડ્રગ્સની હેરફેર કરતી ગેંગ પકડી હોય રિટા રિપોર્ટર તેનું ટેલિકાસ્ટ પોતે જ કરે છે.
આમ તો શોમાં અત્યાર સુધી આ કેરેક્ટર 2-3 એક્ટ્રેસ પ્લે કરી ચૂકી છે. પરંતુ આ પાત્રનું નામ કાને પડતા જ પહેલા પ્રિયા આહુજાનો ચહેરો યાદ આવે છે. આ શોમાં રિપાર્ટરની પ્રિયા સીરિયલમાં ‘કલ તક’ ન્યૂઝ ચેનલમાં કામ કરે છે. રિલ લાઇફમાં સામાન્ય રીતે શર્ટ-પેન્ટ અને કૂર્તીમાં જોવા મળતી રિટા રિપોર્ટર વાસ્તવમાં ખૂબ જ બૉલ્ડ અને સ્ટાઇલિશ છે.
પ્રિયાનુ સોશ્યલ મીડિયા એકાઉન્ટ સ્ટાઇલિશ અને બોલ્ડ ફોટોઝ ભરેલુ છે. રિયલ લાઇફમાં પ્રિયા તેના કેરેક્ટર કરતા ખૂબ જ અલગ છે. જણાવી દઇએ કે, શોમાં તેનું કેરેક્ટર કાયમી દેખાતુ નથી, તે ક્યારેક જ શોમાં દેખાય છે. પરંતુ તેની હાજરીની નોંધ ઓડિન્યસ લે છે. શોમાં રિપોર્ટિંગ કરવાનો તેનો અંદાજ પણ રમુજી છે.
ખાસ વાત છે કે પ્રિયાએ 'તારક મહેતા કા ઉલ્ટા ચશ્મા'ના ડિરેક્ટર સુરેશ રાજદા સાથે જ લગ્ન કર્યા છે. પતિ સાથે પણ તે ઘણા ફોટોઝ સોશ્યલ મીડિયા એકાઉન્ટ પર શૅર કરતી રહે છે. 'તારક મહેતા…’ સિવાય પ્રિયા ઝારા, શુભ વિવાહ, છજ્જે કા પ્યાર અને બિટ્ટો જેવી સીરિયલમાં કામ કરી ચૂકી છે.