IPLIN
 

ટેલિવૂડ / તારક મહેતાનો કંજૂસ 'પોપટલાલ' કરોડોની પ્રોપર્ટીનો છે માલિક, મર્સિડીઝ કારમાં ફરે છે અને આવી છે લાઈફસ્ટાઈલ

Team VTV 11:28 AM, 30 Sep 20
Follow us
tarak mehta ka ooltah chashmah popatlal aka shyam pathak lifestyle and property

તારક મહેતા કા ઉલ્ટા ચશ્મા ટીવી ઈન્ડસ્ટ્રીના સૌથી લોકપ્રિય શોઝમાંથી એક છે. આ સીરિયલનું દરેક પાત્ર કોમેડીથી લોકોનું દિલ જીતી લે છે. તમને જણાવી દઈએ કે સીરિયલમાં જોવા મળતો દરેક પાત્ર હકીકતની જિંદગીમાં એકદમ અલગ છે. સીરિયલમાં એવું જ એક પાત્ર છે પત્રકાર પોપટલાલનું, જે સીરિયલમાં તો કુંવારો છે પરંતુ અસલ જીવનમાં પોપટલાલ એટલે કે શ્યામ પાઠકના લગ્ન થયેલા છે અને તે ત્રણ બાળકોનો પિતા પણ છે. આ સાથે જ તેની લાઈફસ્ટાઈલની વાત કરીએ તો તે મર્સિડીઝ જેવી ગાડીનો માલિક પણ છે. રિપોર્ટ્સ અનુસાર શ્યામને બાળપણથી જ એક્ટિંગનો શોખ હતો.

  • તારક મહેતાનું દરેક પાત્ર કોમેડીથી લોકોનું દિલ જીતી લે છે
  • અસલ જીવનમાં પોપટલાલ એટલે કે શ્યામ પાઠકના લગ્ન થયેલા છે
  • તે મર્સિડીઝ જેવી ગાડીનો માલિક પણ છે

શ્યામ અસલ જિંદગીમાં મેરીડ છે અને તેની પત્ની રેશમીને તે નેશનલ સ્કૂલ ઓફ ડ્રામામાં મળ્યો હતો. બન્ને પહેલા મિત્ર બન્યા અને પછી મિત્રતા પ્રેમમાં બદલાઈ ગઈ. તેણે પરિવારજનોને જણાવ્યા વિના લગ્ન કરી લીધા હતા. શરુઆતમાં બન્નેના પરિવારના લોકો નારાજ થયા, પરંતુ સમય પસાર થયા બાદ બન્નેના પરિવારોએ તેમને સ્વીકારી લીધા. શ્યામ અને રેશમીને ત્રણ બાળકો છે. દીકરીનું નામ નિયતિ અને મોટા દીકરાનું નામ પાર્થ છે. જયારે તેમના નાના દીકરાનું નામ શિવમ છે.

મર્સિડીઝમાં ફરે છે પોપટલાલ

મીડિયા રીપોર્ટસ અનુસાર, એક્ટર શ્યામ પાઠક પાસે 15 કરોડ રૂપિયાની પ્રોપર્ટી છે. આ સાથે જ શ્યામ 50 લાખ રૂપિયાની મર્સિડીઝ કારના પણ માલિક છે. તારક મહેતા કા ઉલટા ચશ્માંના દરેક એપિસોડ માટે શ્યામ પાઠક એટલે કે પોપટલાલ લગભગ 60 હજાર રૂપિયા ફી લે છે. હવે આ હિસાબથી તમે સમજી જ શકો છો કે તેમનું બેંક બેલેન્સ કેટલું હશે.

 
 
 
 
 
 
 
 
 
 
 
 
 

This is official character of Syham Pathak (Popatlal). Join this instagram page if you like our TV show (TMKOC..)

A post shared by Shyam Pathak (@realshyampathak) on

તારક મહેતા શો બાદ જિંદગી બદલાઈ

રિપોર્ટસ અનુસાર શ્યામ પાઠકને કેટલાક નાટકોમાં નાના-મોટા પાત્ર મળ્યા. 2008માં તેમને જસુબેન જયંતી લાલ જોશની જોઈન્ટ ફેમીલી નામની સિરિયલમાં કામ કરવાની તક મળી હતી. આ સીરિયલમાં તેના પાત્રને ઘણી પ્રશંસા મળી હતી. પરંતુ પછી 2008 માં જ તેમને તારક મહેતા કા ઉલટા ચશ્માં માટે ઓફર મળી અને તેમણે એ સ્વીકારી લીધી. આ શો એ તેની જિંદગી બદલી નાખી અને પછી તેણે પાછું વળીને જોયું જ નહીં. 

 
 
 
 
 
 
 
 
 
 
 
 
 
 
 

A post shared by popatlal (@shyam_pathak_official) on

તમને જણાવી દઈએ કે શ્યામ પાઠક ચાર્ટર્ડ એકાઉન્ટન્ટ બનવા માંગતા હતા અને તેના માટે તેમણે ઇન્સ્ટીટયુટ ઓફ ચાર્ટર્ડ એકાઉન્ટનટ્સ ઓફ ઇન્ડિયામાં એડમિશન પણ લીધું. પરંતુ એક્ટિંગનો ચસ્કો લાગતા જ તેમણે ભણવાનું અધવચ્ચે છોડી દીધું હતું અને નેશનલ સ્કુલ ઓફ ડ્રામામાં આવી ગયા. ત્યાંથી જ તેમના કરિયરની દિશા બદલાઈ ગઈ. શ્યામ પાઠકનો જન્મ 6 જુન 197 ના રોજ ગુજરાતમાં એક સાધારણ પરિવારમાં થયો હતો. શ્યામ પાઠકે શિક્ષણ ગુજરાતમાં જ મેળવ્યું હતું.

lifestyle and property Tarak Mehta Ka Ooltah Chashmah popatlal
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ