ફી / 'તારક મહેતા...'ના સ્ટાર્સની ફીમાં થયો અધધધ.. વધારો, એપિસોડ દીઠ મળશે આટલા લાખ

કોમેડી સીરિયલ  'તારક મહેતા કા ઉલ્ટા ચશ્મા'  છેલ્લા કેટલાક વર્ષોથી ઓડિયન્સને એન્ટરટેન કરતી આવી છે. ઘણા ટાઇમથી શોની લીડ એક્ટ્રેસ દિશા વાકાણી પરત ફરશે કે નહીં તે અંગે ઘણી ચર્ચા ચાલી રહી છે, ત્યારે આ વચ્ચે શોને સ્ટાર્સને લઇને એક મોટા સમાચાર આવ્યા છે. એક મીડિયા રિપોર્ટ્સ અનુસાર, શોના કલાકારોની ફી વધારવામાં છે. આ સાથે જ શોના કલાકારો અન્ય પ્રોજેક્ટમાં પણ કામ કરી શકશે. 
 

એક રિપોર્ટ અનુસાર, 'તારક મહેતા કા ઉલ્ટા ચશ્મા' સીરિયલના તમામ સ્ટાર્સની ફી વધારવામાં આવી છે. મેકર્સ એક્ટર્સને માસિક ઓછામાં ઓછા 1.5 લાખ રૂપિયા આપવાનો નિર્ણય કર્યો છે. એક્ટર્સની ફી એ વાત પર આધાર રાખશે કે તેમણે કેટલા દિવસ સુધી શૂટિંગ કર્યુ. પ્રતિ એપિસોડના આધારે ફી આપવામાં આવશે. શોમાં જેઠાલાલનો રોલ કરનારા દિલીપ જોષીને સૌથી વધુ ફી મળે છે. તેમની ફી લગભગ 1.5 લાખ રૂપિયા પ્રતિ એપિસોડ છે. શોમાંથી ગાયબ એક્ટ્રેસ દિશા વાકાણીને અત્યાર સુધી સૌથી વધુ ફી મળતી હતાી. દિશા શોમાં હતી ત્યારે તેને પ્રતિ અઠવાડિયે 1.2 લાખ રૂપિયા ફી મળતી હતી. 
 

તારક મહેતાનું પાત્ર ભજવતા એક્ટર શૈલેષ લોઢાને 1 લાખ રૂપિયા પ્રતિ એપિસોડ આપવામાં આવે છે. ભીડેના પાત્રમાં દેખાતા મંદાર ચંદાવરકરને પ્રતિ એપિસોડ 80 હજાર રૂપિયા, ડૉ. હાથી એટલે કે નિર્મલ સોનીને પ્રતિ એપિસોડ 20-25 હજાર રૂપિયા, અબ્દુલનું પાત્ર ભજવતા શરદ શાંક્લાને પ્રતિ એપિસોડ 35-40 હજાર રૂપિયા, ચંપક ચાચા બનતા અમિત ભટ્ટને એપિસોડ દીઠ 70-80 હજાર રૂપિયા, સાયન્ટિસ ઐયરનું પાત્ર ભજવતા તનુજ મહાશબ્દેને 65-80 હજાર રૂપિયા એપિસોડ દીઠ અને ..રોશન સિંહ સોઢીનું પાત્ર ભજવતા એક્ટર ગુરુચરણ સિંહને 65-80 હજાર રૂપિયા પ્રતિ એપિસોડ મળે છે. 
 

ટપ્પુ સેના એટલે કે ચાઈલ્ડ એક્ટર્સને પ્રતિ એપિસોડ લગભગ 20 હજાર રૂપિયા ફી આપવામાં આવે છે. શોમાં ટપ્પુનો રોલ કરતાં રાજ અનડકતને સૌથી ઓછી ફી 10-15 હજાર રૂપિયા મળે છે. જોકે, તે થોડા સમય પહેલા જ શોમાં જોડાયો છે.