હાલ દેશમાં લોકડાઉન ચાલી રહ્યું છે. ત્યારે બોલિવૂડથી લઈને ટેલિવિઝન જગતના કલાકારો પણ ઘરે રહીને દર્શકોનું મનોરંજન કરી રહ્યાં છે. તો હાલમાં જ તારક મહેતા કા ઉલ્ટા ચશ્મા સીરિયલમાં બાપુજીનો રોલ પ્લે કરનાર એક્ટર અમિત ભટ્ટના કેટલાક ફની વીડિયો સોશિયલ મીડિયા પર ખૂબ જ ધમમાલ મચાલી રહ્યાં છે.
હાલ દેશમાં લોકડાઉન ચાલી રહ્યું છે
તારક મહેતાના 'બાપુજી' આ રીતે કરી રહ્યાં છે દર્શકોનું મનોરંજન
બાપુજીના વીડિયો સોશિયલ મીડિયા પર મચાવી રહ્યાં છે ધમાલ
તમને જણાવી દઈએ કે, બાપુજી એટલે કે અમિત ભટ્ટ ટિકટોક પર અવારનવાર વીડિયો પોસ્ટ કરતાં રહે છે. આ વાયરલ વીડિયોમાં તેઓ પત્ની સાથે ઘરના કામ બાબતે તકરાર કરતાં જોવા મળી રહ્યાં છે. જેમાં એક વીડિયોમાં તેમની પત્ની તેમને કચરો વાળવાનું કહે છે અને હાથમાં ઝાડુ થમાવી દે છે. જ્યારે એક અન્ય વીડિયોમાં તેઓ પત્ની સાથે વાસણ ધોવાને લઈને વાત કરતાં જોવા મળી રહ્યાં છે.
જોકે, આ બંને વીડિયો મસ્તી માટે બનાવવામાં આવ્યા છે. જેમાં અમિતે કેપ્શન આપ્યું છે લોકડાઉન ટાઈમપાસ. ઉલ્લેખનીય છે કે, બાપુજી પણ ઘરે રહીને પત્ની અને બાળકો સાથે ટાઈમ સ્પેન્ડ કરી રહ્યાં છે. તેઓ ઘણાં વીડિયો પોસ્ટ કરતાં રહે છે. જોકે, આ બે વીડિયો ખૂબ જ વાયરલ થયા છે.
અમિત ભટ્ટ અને તેમની પત્નીના આ ફની વીડિયો પર લોકો ખૂબ પ્રતિક્રિયાઓ પણ આપી રહ્યાં છે. ઉલ્લેખનીય છે કે, હવે 17 મે સુધી દેશમાં લોકડાઉન વધારી દેવામાં આવ્યું છે. ત્યારે ટેલિવિઝન જગતનું શૂટિંગ પણ ઠપ છે અને તે ક્યારે શરૂ થશે હાલ તેના વિશે પણ કોઈ જ જાણકારી મળી નથી. દેશમાં કોરોનાના કેસ પણ સતત વધી રહ્યાં છે. તો આ કપરાં સમયમાં બોલિવૂડ અને ટેલિવિઝન જગતના સ્ટાર્સ દર્શકોને સતત એન્ટરટેઈન અને જાગૃત કરી રહ્યાં છે.