તારક મહેતા કા ઉલ્ટા ચશ્મા ટેલિવિઝન જગતના સૌથી લોકપ્રિય શોઝમાંથી એક છે. તેના બધાં જ કલાકારો દર્શકોને ખૂબ હસાવે છે. તેમાંથી એક પાત્ર ગોગી એટલે કે સમય શાહ છે. સમય શાહનો અત્યારે ભલે સમય સારો ચાલી રહ્યો છે પરંતુ એક સમય એવો પણ હતો જ્યારે તેણે જમીન પર સૂઈને ઘણી રાતો પસાર કરી છે. તેના સંઘર્ષની કહાની એવી છે કે, જાણીને તમારી આંખોમાં આંસુ આવી જશે. અનેક સંઘર્ષને પાર કર્યા બાદ ગોગી આજે એક ઉદાહરણ સ્વરૂપ છે અને તેના લાખો ફેન્સ માટે પ્રેરણા પણ છે.
હાલ લોકડાઉનને કારણે તારક મહેતા સહિત તમામ સીરિયલોનું શૂટિંગ બંધ છે
તારક મહેતાના ગોગીના સંઘર્ષની કહાની જાણી આંખોમાં આવી જશે આંસુ
તારક મહેતાનો ગોગી એટલે કે સમય શાહ અત્યારે ઘર-ઘરમાં જાણીતો છે. માત્ર 16 વર્ષની ઉંમરે ગોગીએ દર્શકોના દિલમાં ખાસ જગ્યા બનાવી લીધી છે અને આ ઓળખ તેને ઘણાં સંઘર્ષો પછી મળી છે. તેણે મુંબઈમાં પણ જમીન પર સૂઈને રાતો પસાર કરી છે. તે ઘણી રાતો જાગ્યો છે અને સવારે કામની શોધમાં નીકળી પડતો હતો. જોકે, હવે તેનો સમય બદલાઈ ગયો છે.
ગોગીએ પોતાની મહેનતથી મુંબઈમાં પોતાનું એક ઘર પણ ખરીદી લીધું. એક રિપોર્ટ મુજબ સમય શાહએ 1.48 કરોડ રૂપિયાનું ઘર લીધું છે. એક સમયે જમીન પર સૂવાવાળો સમય આજે એક એપિસોડના 8 હજાર રૂપિયા લે છે અને નિર્માતા તેને ખુશી-ખુશી આપી પણ દે છે.
ગોગી અવારનવાર સોશિયલ મીડિયા પર તેના ફેન્સ સાથે સારી વાતો શેર કરતો રહે છે. તે માનવતા, પ્રામાણિકતા અને ધગશની વાતો કરે છે. એક ઈન્ટરવ્યૂમાં તેણે પોતાના લક્ષ્યને વળગી રહેવા અને તેને મેળવવા સખત મહેનત કરવાની વાત કહી હતી. જેથી તમે તમારા લક્ષ્યને પ્રાપ્ત કરી જ લેશો અને સમય જ આનું સૌથી મોટું ઉદાહરણ છે. આજે તેણે પોતાના સંઘર્ષના દમ પર માયાનગરીમાં પોતાની ઓળખ ઊભી કરી છે.