ટીવી જગતનો સૌથી લોકપ્રિય શો તારક મહેતા કા ઉલ્ટા ચશ્મા સૌનો પ્રિય શો છે. તેના દરેક પાત્રના લોકો ફેન છે પરંતુ તેમાં કામ કરી ચૂકેલ એક એક્ટર ગુનાહિત પ્રવૃત્તિમાં સપડાયો છે.
તારક મહેતા...માં કામ કરી ચૂક્યો છે આ શખ્સ
સટ્ટામાં દેવુ વધી જતા અપનાવ્યો ચોરીનો રસ્તો
રાંદેપ પોલીસે કરી બંને યુવકોની ધરપકડ
કોણ છે તે શખ્સ
આ શખ્સનું નામ મિરાજ છે અને તેણે તારક મહેતા...શોમાં પણ કામ કર્યુ છે. ક્રિકેટ બેટિંગની લતમાં સપડાતા તેણે લાખો રૂપિયા હાર્યા હતા અને દેવુ ચુકવવા માટે તેણે અપરાધનો રસ્તો અપનાવ્યો હતો. એક્ટરથી તે ચોર બની ગયો અને જે બાદ ખાલી રસ્તાઓ પર પોતાના મિત્રો સાથે મળીને ચેન સ્નેચિંગનુ કામ શરુ કરી દીધુ હતુ.
બંને આરોપીની ધરપકડ કરવામાં આવી
રાંદેર પોલીસે આપેલ એક ખબર અનુસાર રાંદેર ભેસાન ચાર રસ્તા પાસે એરિયા કોર્ડન કરીને મિરાજ વલ્લભદાસ કાપડી અને વૈભવ બાબૂ જાદવની ધરપકડ કરવામાં આવી હતી. બંને પાસેથી પોલીસને 3 સોનાની ચેન, 2 મોબાઇલ અને ચોરીની બાઇક જપ્ત કરવામાં આવી છે. બંને પાસેથી 2 લાખ 54 હજારનો મુદ્દામાલ જપ્ત કરવામાં આવ્યો છે. આરોપી વૈભવ અને મિરાજ જૂનાગઢના રહેવાસી છે.
કેવી રીતે કરતા હતા ચોરી
પોલીસના જણાવ્યા અનુસાર, સુમસાન રસ્તાઓ પર મહિલાઓને નિશાનો બનાવીને તેમના ગળામાંથી ચેન લઇને ભાગી જતા હતા. પકડાયા બાદ બંનેએ પોતાના આરોપ કબૂલી લીધા છે. આ બંને આરોપી વિરુદ્ધ મહિધરપુરા, ઉધના અને રાંદેર પોલીસ સ્ટેશનમાં પણ ફરિયાદ નોંધાયેલી છે. આરોપીઓએ પોતાના પર લાગેલા આરોપ સ્વીકારી લીધા અને કહ્યું કે સટ્ટામાં 25 થી 30 લાખ રૂપિયા હારી ગયા બાદ ચૂકવવા માટે પૈસા નહોતા. જેના કારણે આ રીત અપનાવી હતી.
શોમાં કર્યુ હતુ કામ
કહેવામાં આવી રહ્યું છે કે ટીવીજગતના સૌથી લોકપ્રિય શો તારક મહેતા...માં પણ મિરાજે કામ કર્યુ છે. સટ્ટાની લત માણસને હીરોમાંથી ઝીરો બનાવી દે છે તેમાં જરા પણ વાર લાગતી નથી.