તારક મહેતા શૉ દરેક લોકોનો લોકપ્રિય શૉ છે. તેમાં રહેલા દરેક પાત્રોની પણ એક અલગ ઓળખાણ છે અને સૌ તેમને પ્રેમ પણ કરે છે. અલગ પાત્રની અલગ ફી છે, ત્યારે દરેકને એક પ્રશ્ન હંમેશા થતો હશે કે શૉમાં અબ્દુલનુ પાત્ર ભજવનાર શરદ સાંકલાને કેટલા પૈસા મળે છે. તેમને ઇન્ડસ્ટ્રીમાં 25 વર્ષથી વધુ સમય થઇ ગયો છે. અહીં સુધી પહોંચવામાં તેમને ઘણા સંઘર્ષનો સામને કરવો પડ્યો છે. તેમના જીવનમાં એક સમય એવો હતો જ્યારે તેમને કામ માટે ધક્કા ખાવા પડતા હતા. એકવાર તેમણે ઠાની લીધુ બાદમાં ક્યારેય પાછુ વળીને તેમણે જોયુ નથી.
તારક મહેતામાં કામ કરે છે અબ્દુલ
આઠ વર્ષ સુધી રહ્યો હતો બેરોજગાર
બે હોટલોનો માલિક છે અબ્દુલ
50 રૂપિયા કમાતા હતા
મિડીયા રિપોર્ટ્સનું જો માનીએ તો 1990માં ફિલ્મ વંશથી તેમણે પહેલીવાર એક્ટિંગ ક્ષેત્રે પગ મૂક્યો હતો. તેમનુ પાત્ર ખૂબ નાનુ હતુ અને તેના માટે તેમને 50 રૂપિયા મહેનતાણુ મળ્યુ હતું. બાદમાં તેમણે ખિલાડી, બાદશાહ, બાઝીગર જેવી ફિલ્મોમાં અભિનય કર્યો તે છતાં પણ 8 વર્ષ સુધી તે બેરોજગાર રહ્યાં.
તારક મહેતા..માં કેટલી લે છે ફી
શરદ તારક મહેતાના એક એપિસોડની 35 થી 40 હજાર રૂપિયા ફી લે છે. અઠવાડિયામાં 2 થી 3 દિવસ જ તે શૂટ કરે છે અને હાલમાં તે બીજી કોઇ સિરીયલ કે ફિલ્મમાં કામ નથી કરી રહ્યાં.
પર્સનલ લાઇફ
શરદનો જન્મ મુંબઇમાં થયો હતો, 1965માં તે જન્મ્યા હતા અને તેમની પત્નીનું નામ પ્રેમિલા સાંકલા છે. બંનેનો એક દિકરો પણ છે જેનુ નામ માનવ છે અને દીકરીનું નામ કૃતિકા છે.
એક ઇન્ટરવ્યૂમાં તેમણે જણાવ્યું હતું કે તેમનુ નામ હોવા છતાં તે પ્રોડ્યુસરના દરવાજા ખટખટાવતા હતા પરંતુ તેમને કામ નહોતુ મળતું. તેમણે આસિસ્ટન્ટ ડિરેક્ટર, કાસ્ટિંગ ડિરેક્ટર તેવા કામ કર્યા પરંતુ તેનાથી પણ ખાસ ફર્ક ન પડ્યો. હાલમાં તેમનુ ઘર મુંબઇમાં છે અને 2 રેસ્ટોરન્ટ છે જે મુંબઇમાં છે.