બોલિવુડની એક્ટ્રેસ તારા સૂતરિયાને 'કબીર સિંહ' માં કિયારા અડવાણીના રૉલની ઑફર થઇ હતી જોકે તેને ઇન્કાર કરી દીધો હતો.
સ્ટૂન્ડ ઑફ ધ યર 2 થી બોલિવુડમાં ડેબ્યૂ કરનારા તારા સૂતરિયાને સૌથી પહેલા શાહિદ કપૂરની ઑપોઝિટ રોલ 'કબીર સિંહ' માં ઑફર કરવામાં આવ્યો હતો, જોકે તેણે ઇન્કાર કરતા આ ફિલ્મ કિયારા અડવાણી પાસે આવી હતી.
જોકે હવે ફિલ્મ હિટ થતા તારા સુતરિયાને જ્યારે આ વિશે પૂછવામાં આવ્યુ ત્યારે કહ્યુ કે, ''એક ફિમેલ એક્ટ્રેસ હોવાની સાથે માટે કેટલીક સોશ્યલ જવાબદારી છે, પણ એક એક્ટર હોવા પર મારી આર્ટિસ્ટિક ફ્રિડમ અને પોતાને વ્યકત કરવાની આઝાદી પણ છે. હવે દર્શકો પર આધાર રાખે છે કે તેઓ આ વાતનો શું અર્થ નીકાળે છે. હું જાણતી હતી કે ફિલ્મ બોક્સ ઑફિસ પર સારી કમાણી કરશે કેમકે આ એક હિટ ફિલ્મની રિમેક છે. વ્યક્તિ ગત રીતે અર્જૂન રેડ્ડી અને કબીર સિંહ બંને ફિલ્મો મને ગમે છે.''
ઉલ્લેખનીય છે કે, ફિલ્મના ડિરેક્ટર સંદીપ વાંગા રેડ્ડીએ તારાને ફિલ્મમાં લેવા માટે ખૂબ જ પ્રયત્ન કર્યા હતા, પરંતુ તારાના ઇન્કાર પછી ફિલ્મ કિયારાને મળી અને હાલમાં કિયારાની એક્ટિંગને લોકો ખૂબ જ વખાણી રહ્યા છે.
ફિલ્મની બોક્સ ઑફિસ કમાણીની વાત કરવામાં આવે તો 5 દિવસની અદંર 100 કરોડથી વધુની કમાણી કરી ચૂકી છે. વર્લ્ડ કપ મેચો અને A સર્ટિફિકેટ મળ્યુ હોવા છતાં આ શાહિદ કપૂરના કરિયરની સૌથી મોટી ફિલ્મ સાબિત થઇ ગઇ છે. લાગી રહ્યુ છે કે ફિલ્મ જલ્દીથી 200 કરોડના ક્લબમાં શામેલ થઇ જશે.
'કબીર સિંહ' દેશભરમાં કુલ 3123 સ્ક્રીન્સ પર રિલીઝ થઇ છે. આ તેલુગૂ બ્લોકબ્સ્ટર 'અર્જૂન રેડ્ડી'ની રિમેક છે. આ સિવાય ફિલ્મ તમિલમાં 'આદિત્ય વર્મા'ના ટાઈટલ સાથે બની છે.