મધ્યપ્રદેશથી કાનપૂર લઇ જવાઇ રહેલા આરોપી કે જેનું શૂટઆઉટમાં મૃત્યુ થયુ તે વિકાસ દૂબે કેસ પર તાપસી પન્નુએ ટિપ્પણી કરી છે. તાપસી તેની ફિલ્મો સિવાય તેના બેધડક વિચારો માટે પણ જાણીતી છે.
વિકાસ દૂબે પર તાપસીની ટિપ્પણી
તાપસીએ કરી વિકાસ પર ટ્વિટ
બોલિવૂડ પર નિશાન સાધનારાઓને આપ્યો જવાબ
હાલમાં જ વિકાસ દૂબે પર તાપસીએ ટ્વિટ કર્યુ છે અને કહ્યું છે કે અમે આ વસ્તુની અપેક્ષા નહોતી કરી, અને લોકો કહે છે કે બોલિવૂડની ફિલ્મો વાસ્તવિકતાથી દૂર હોય છે. તમને જણાવી દઇએ કે હિસ્ટ્રી શીટર વિકાસ દૂબે વર્ષ 2001માં રાજ્યમંત્રી સંતોષ શુક્લા હત્યાકાંડનો મુખ્ય આરોપી હતો. 2000ના વર્ષમાં પણ એક કોલેજના પ્રબંધકના મોતમાં સામેલ હતો. આવા ઘણા બધા આરોપોમાં તે ફસાયેલો હતો.
Wow! We did not expect this at all !!!! 😳
And then they say our bollywood stories are far from reality 😏 https://t.co/h9lsNwA7Ao
2004માં એક બિઝનેસમેનની હત્યામાં પણ વિકાસનો હાથ હતો. ઘણા કેસમાં કોઇ પણ વિટનેસ ન હોવાને કારણે તેને કોઇ સજા થઇ ન હતી, પરંતુ આ વખતે તે પોલિસ એનકાઉન્ટરમાં મોતને હાથ તાળી આપી શક્યોનથી.
વિકાસનું થયુ એનકાઉન્ટર
મધ્યપ્રદેશની પોલીસ વિકાસને લઇને કાનપૂર જવા રવાના થઇ હતી, ત્યારે રસ્તામાં ગાડી પલ્ટી જતાં વિકાસને ભાગવાની તક મળી હતી. વિકાસે પોલીસની બંદૂક છીનવીને ભાગવાનો પ્રયત્ન કર્યો હતો, જેથી પોલીસ પાસે કોઇ પણ વિકલ્પ ન બચતા તેના પર ગોળીઓ ચલાવવી પડી હતી અને આ અથડામણમાં વિકાસનું મોત નિપજ્યું હતું.
મધ્યપ્રદેશમાંથી પકડાયો હતો વિકાસ
ઉત્તરપ્રદેશના કાનપૂરમાં ગયા અઠવાડિયે 8 પોલીસકર્મીઓની હત્યા કરીને ફરાર કુખ્યાત ગેંગસ્ટર વિકાસ દૂબેને મધ્ય પ્રદેશથી મહાકાલના દર્શન દરમિયાન દબોચી લેવામાં આવ્યો હતો. વિકાસને જોઇને જે સિક્યુરિટી ગાર્ડને શંકા ગઇ હતી તેણે તેના ડિપાર્ટમેન્ટમાં જાણ કરી હતી અને આ ગેંગસ્ટરને પકડવામાં પોલીસને સફળતા મળી હતી.