પુરાણો અને ગ્રંથોમાં નદીઓનું ખૂબ જ મહત્વ સુરતમાં આજે તાપી મૈયાનો જન્મ દિવસ ઉજવણી કરાશે
તાપી મૈયાનો આજે જન્મદિન
કુરૂક્ષેત્ર સૂર્યોદય ઘાટ ખાતે ઉજવણી
તાપી મૈયાની મહાઆરતી કરાશે
સુરતમાં આજે તાપી મૈયાનો જન્મ દિવસ મનાવાઈ રહ્યો છે. જો વાત કરવામાં આવે તો પુરાણો અને ગ્રંથોમાં નદીઓનું ખૂબ જ મહત્વ દર્શાવાયું છે.
તાપી મૈયાનો આજે જન્મદિન
નદીઓને આપણે માતા માનીએ છીએ. સુરતમાં વહેતી સુર્ય પુત્રી તાપી નદીનો જન્મદિવસ ઉજવાયો તાપી નદીનો જન્મ દિવસ દર વર્ષે અષાઢી સુદ સાતમના દિવસે ઉજવાય છે. લોકો આ તાપીનો જન્મદિવસ ઉજવીને તેના પ્રત્યે ઋણ ચુકવે છે. લોક વાયકા મુજબ તાપી નદી સૂર્યદેવની આંખમાંથી આંસુનું ટીપું પડ્યુંને લોકમાતાનો જન્મ થયો હોવાનું મનાઈ છે.
કુરૂક્ષેત્ર સૂર્યોદય ઘાટ ખાતે ઉજવણી
સુરતમાં આજે તાપી મૈયાનો જન્મ દિવસ મનાવાયો જેમાં સવારે 9.30 કલાકે કુરૂક્ષેત્ર સૂર્યોદય ઘાટ ખાતે તાપી નદીના જન્મ દિવસની ઉજવણી કરાઈ આ પ્રસંગે તાપી નદીમાં આજે 500 મીટરની ચૂંદડી અર્પણ કરવામાં આવશે. જેમાં સાધુ, સંતો અને આગેવાનો સહિતના લોકોએ તાપી મૈયાની મહાઆરતીમાં જોડાશે.
તાપી મૈયાની મહાઆરતી કરાશે
તાપી માતાની ઉત્પતિ 21 કલ્પ જૂની હોવાની શાસ્ત્રોની માન્યતા છે. 1 કલ્પમાં 4.32 કરોડ વર્ષ હોય છે. વળી સૂર્યપુત્રી પર તાપી પૂરાણ નામનો એક આખો ગ્રંથ છે જેમાં તાપી વિશે એકદમ ઝીણવટપૂર્વકની માહિતી છે. જેમાં ભગવાન રામ તાપી કિનારે ફરતા-ફરતા લંકા પહોંચ્યા હોવાનો ઉલ્લેખ છે. જ્યારે સૂર્યદેવની આંખમાંથી આંસુનું ટીપું પડ્યું ને લોકમાતાનો જન્મ થયો. સૂર્યપુત્રી તરીકે જાણીતી તાપી મૈયાની ઉત્ત્પત્તિને લઇને અનેક લોકવાયકાઓ છે. આજે શહેરીજનો તાપી માતાની આરતી ઉતારશે અને તેમને ચૂંદડી અર્પણ કરવામાં આવશે.