આજે સૂર્યપુત્રી તાપી મૈયાનો જન્મદિવસ હોવાથી સુરતમાં શહેરીજનો તેમજ કેટલાંક આગેવાનોએ સાથે મળી નદીની પૂજાઅર્ચના કરી.
સૂર્યપુત્રી તાપી નદીનો આજે જન્મદિવસ
સુરતમાં તાપી મૈયાની આજે પૂજા કરાઇ
700મીટર લાંબી ચુંદડી નદીમાં અર્પણ કરાઇ
આપણે સૌ જાણીએ છીએ કે, આપણા પુરાણો અને ગ્રંથોમાં નદીઓનું ખૂબ જ મહત્વ રહેલું છે. ત્યારે આજે સુરતમાં આવેલી સૂર્ય પુત્રી તાપી મૈયાનો જન્મદિન છે. જે નિમિત્તે કુરુક્ષેત્ર સ્મશાન ભૂમિ દ્વારા 700 મીટર લાંબી ચુંદડી તાપી નદીમાં અર્પણ કરાઇ.
મહત્વનું છે કે, આજે સૂર્યપુત્રી તાપી નદીનો જન્મ દિવસ છે. સ્મરણ માત્રથી જ પાપોનો નાશ કરતી નદી એટલે તાપી નદી. ત્યારે સુરતમાં આજે તાપી નદીના જન્મદિન નિમિત્તે તાપી મૈયાની પૂજા કરાઇ. મનપા, કુરુક્ષેત્ર ટ્રસ્ટ, શહેર કોંગ્રેસ અને શહેરીજનો દ્વારા તાપીમૈયાની પૂજા કરાઇ.
કુરુક્ષેત્ર સ્મશાન ભૂમિ દ્વારા 700 મીટર લાંબી ચુંદડી તાપી નદીમાં અર્પણ કરાઇ. તાપી મૈયાની પૂજાઅર્ચના તેમજ આરતી કરીને 700 મીટર લાંબી ચૂંદડી અર્પણ કરાઇ. તાપીના પ્રાગટ્યદિનની લોકોએ ઉત્સાહભેર આજે ઉજવણી કરી.
દર વર્ષે અષાઢી સુદ સાતમના દિવસે ઉજવાય છે તાપી નદીનો જન્મદિવસ
આપણા દેશમાં એક ગાય અને એક નદીને આપણે માતા માનીએ છીએ. ત્યારે સુરતમાં વહેતી સૂર્યપુત્રી તાપી નદીનો આજે જન્મદિવસ ઉજવાયો. તમને જણાવી દઇએ કે, દર વર્ષે તાપી નદીનો જન્મદિવસ અષાઢી સુદ સાતમના દિવસે ઉજવાય છે. લોકો તાપીનો જન્મદિવસ ઉજવીને નદી પ્રત્યેનું ઋણ ચુકવે છે. લોકવાયકા મુજબ તાપી નદી સૂર્યદેવની આંખમાંથી આંસુનું ટીપું પડ્યું અને લોકમાતાનો જન્મ થયો હોવાનું મનાઇ રહ્યું છે.