મધુબન ડેમના દરબાજા ખોલાતા નદીની વચ્ચે ફસાયો યુવક દિલધડક રેસ્ક્યૂ Video...

દાદરાનગરહવેલીઃ રખોલી પાસે દમણ ગંગા નદીમાં ફસાયેલા યુવકને બચાવવા માટે અંતેના દિલધડક રેસ્ક્યુ ઓપરેશનને અંતે યુવકને હેમખેમ બચાવી લેવાયો છે. 

મધુબન ડેમમાં ઉપરવાસમાં ભારે વરસાદને કારણે ડેમમાં પાણીની આવકમાં સતત વધારો થતા ડેમના 8 દરવાજા 1.50 મીટર ખોલી દેવામાં આવ્યા હતા. તે પાણીને દમણગંગા નદીમાં છોડાયું હતું. તે વખતે નજીક આવેલા રખોલીગામના કેટલાક યુવકો નદીમાં કુદરતી હાજતે ગયા હતા. તે સમયે જ નદીમાં પાણીની સપાટી અચાનક વધી ગઇ હતી.



આ યુવકો ફસાઈ ગયાં હતાં. જોકે ત્રણ યુવકો હેમખેમ બહાર આવી ગયા હતા. પરંતુ એક યુવક નદીના ધસમસતા પાણીમાં ફસાઈ ગયો હતો. ઘટનાની જાણ થતાં જ સેલવાસ પોલીસ ફાયર બ્રિગેડ અને ડિઝાસ્ટર મેનેજમેન્ટની ટીમ ઘટનાસ્થળે પહોંચી હતી. આ યુવકને બચાવવા માટે રેસ્ક્યુ ઓપરેશન હાથ ધર્યું હતું.

જોકે ડેમમાંથી છોડાયેલા પાણીને કારણે દમણગંગા નદી ગાંડીતૂર બની હોવાથી રેસ્ક્યુમાં મુશ્કેલી પડી રહી હતી. એક તરફ નદીની વચ્ચે ફસાયેલા યુવકને બચાવવા માટેની કવાયત કરી રહી હતી તો બીજી તરફ ડેમમાંથી સતત છોડાઈ રહેલા પાણીથી નદીમાં પાણીની સપાટી વધી રહી હતી.

જેના કારણે તમામ લોકોના જીવ તાળવે ચોંટ્યા હતા. જોકે રેસ્ક્યુ ટીમોએ તાત્કાલિક ડેમના તંત્રનો સંપર્ક કર્યો હતો. થોડા સમય સુધી ડેમમાંથી પાણી છોડવાનું બંધ કરવા માટે વિનંતી કરવામાં આવી હતી. આથી મધુબન ડેમના તંત્ર દ્વારા તાત્કાલિક નિર્ણય લેઇ ડેમના તમામ દરવાજા બંધ કરી દેવામાં આવ્યા હતા. તેથી થોડા સમય બાદ નદીના જળસ્તરમાં ઘટાડો થયો હતો. તે સમયે જ રેસ્ક્યુ ટીમો નદીમાં ફસાયેલ યુવક સુધી પહોંચી ગઈ હતી. ત્યારબાદ દિલધડક રેસ્ક્યુ કરી તેને હેમખેમ બહાર લાવવામાં આવ્યો હતો.

મધુબન ડેમમાં પાણીની જંગી આવક અને ડેમમાંથી છોડાયેલા પુષ્કળ પાણીને કારણે દમણ ગંગા નદીમાં ફસાયેલા યુવકને બચાવવા માટે અંતે ના દિલધડક રેસ્ક્યુ ઓપરેશનને અંતે યુવકને હેમખેમ બચાવી લેતા તમામને રાહત થઇ હતી.

મધુબન ડેમના દરવાજા ખોલતા દમણગંગા નદીમાં અચાનક પાણી આવતા એક યુવક ફસાયો હતો. તો યુવકને બચાવવા માટે ફાયર વિભાગ અને ડિઝાસ્ટર મેનેજમેન્ટની ટીમ દ્વારા રેસ્કયૂ ઓપરેશન હાથ ધરાયું હતું.

ટીમ દ્વારા યુવકને આબાદ બચાવી લેવાયો છે. તો રેસ્કયૂ ઓપરેશન માટે ડેમના દરવાજા પણ બંધ કરવામાં આવ્યા હતા.

તો ભારે વરસાદના પગલે વલસાડ દમણ અને દાદરાનગર હવેલીની જીવાદોરી સમાન મધુબન ડેમમાં બે લાખ 6 હજાર ક્યૂસેક પાણીની આવક થતા તંત્ર સાબદુ બન્યું.

જેના પગલે ડેમના 8 દરવાજા 3 મીટર ખોલવામાં આવ્યા હતા અને 1 લાખ 741 ક્યૂસેક પાણી છોડવામાં આવ્યુ. ડેમમાંથી પાણી છોડાતા દમણગંગા નદી બંને કાંઠે વહેતી થઈ હતી.

જેના પગલે કપરાડા તાલુકાના 18 ગામો અને વાપીના 8 ગામોને એલર્ટ કરી દેવાયા છે. તંત્ર દ્વારા લોકોને નદી કિનારે ન જવા પણ સૂચના આપી દેવાઈ છે.a