તાપી જિલ્લાના સોનગઢમાં ચર્ચના પાદરીએ જ 16 વર્ષની સગીરા સાથે ત્રણ વખત દુષ્કર્મ આચરતાં સમગ્ર પંથકમાં ખળભળાટ મચી ગયો હતો.
ગુજરાતમાં ફરી દુષ્કર્મની શરમજનક ઘટના
સગીરા સાથે પાદરીએજ કર્યુ દુષ્કર્મ
પોલીસે આરોપી પાદરી અને તેની પત્નીની કરી ધરપકડ
તાપીમાં 16 વર્ષની સગીરા પર થયું દુષ્કર્મ
ગુજરાતમાં ક્રાઈમની ઘટનાઓમાં વધારો થયો હોય તેવું લાગી રહ્યું છે, ગુજરાતમાં હત્યા, આત્મહત્યા અને ડ્રગ્સકાંડ બાદ હવે ચકચાર દુષ્કર્મની ઘટના સામે આવી છે. તાપી જિલ્લાના સોનગઢના એક ગામમાં પાદરીએ જ સગીરા સાથે દુષ્કર્મ થતાં સમગ્ર પંથકમાં ખળભળાટ મચી ગયો છે.
સગીરા સાથે ચર્ચાના પાદરીએ જ કર્યુ દુષ્કર્મ
તાપી જિલ્લાના સોનગઢ તાલુકાના એક ગામની 16 વર્ષની સગીરા પર પાદરીએ દુષ્કર્મ આચર્યું હતું. સોનગઢ પોલીસે પાદરીની ધરપકડ કરી લીધી છે. મહત્વનું છે કે, બલીરામ કોકણી નામના પાદરીએ ગત દિવસો દરમિયાન સગીરા પર ત્રણ વખત દુષ્કર્મ આચર્યું હતું. જ્યારે આ સમગ્ર ઘટનાને પાદરીની પત્નીએ વીડિયો ક્લીપ ઉતારી આરોપીની મદદ કરી હતી.જેથી પોલીસે પતિની મદદગારી કરતા પત્નીની પણ ધરપકડ કરી છે. પોલીસે આરોપીનું મેડિકલ કરાવવાની કાર્યવાહી હાથ ધરી છે.