સ્પોર્ટ્સ / પાકિસ્તાની બૉલર તનવીરે ઇમરાન ખાનને લીધા આડેહાથ, કહ્યું આપણે ડાકુઓ...

• તન્વીરે ઉઠાવ્યા ઇમરાન ખાન પર પ્રશ્નો
• પાકિસ્તાનમાં ક્રિકેટર નહી ડાકુ થાય છે પેદા
• પાકિસ્તાન સરકાર પર સવાલ 

તન્વીરે પોતાની યુટ્યૂબ ચેનલ પર કહ્યું, ''વડા પ્રધાન ઇમરાન ખાન નહોતા ઇચ્છતા કે પાકિસ્તાનમાં ડિપાર્ટમેન્ટ ક્રિકેટ રમાતું રહે. તેઓ ખુદ આ ક્રિકેટ રમી ચૂક્યા છે. આનાથી ખેલાડીઓને કાયમી નોકરી મળે છે. ઇમરાનના જમાનામાં બધાંએ ખૂબ મજા માણી. અમારા સમયમાં પણ લોકોએ આનો ભરપૂર આનંદ માણ્યો, પરંતુ અમે નથી ઇચ્છતા કે આ બંધ થાય. આ સરકાર ચલાવવા માટે એક ક્રિકેટર આવ્યો. એ ક્રિકેટરે આવતાં જ કહી દીધું કે ડિપાર્ટમેન્ટ ક્રિકેટને બંધ કરી દેવામાં આવે. હું એ જ ક્રિકેટરને પૂછવા માગું છું કે ડિપાર્ટમેન્ટ ક્રિકેટથી તમને મુશ્કેલી શું છે?''

તન્વીરે વધુમાં જણાવ્યુ કે, ''ડિપાર્ટમેન્ટ ક્રિકેટ પાકિસ્તાન ક્રિકેટને નાણાં આપે છે. જો નાણાં મળતાં હોય તો બંધ કરવાની જરૂર શું છે? હવે જ્યારે ખેલાડી ૩૫ વર્ષ બાદ કોચિંગ સ્ટાફમાં આવે છે તેઓ શું  કરશે? અમે તો એમ સમજતા હતા કે આ સરકાર આવી છે તે ગરીબોને નોકરી આપશે, ગરીબોનું ધ્યાન રાખશે. એક ક્રિકેટર તરીકે મને લાગે છે કે હવે આપણે ક્રિકેટર નહીં, ડાકુ પેદા કરી રહ્યા છીએ.''

અંતમાં તન્વીરે જણાવ્યું, ''મને ડર છે કે ક્રિકેટર હવે ક્યાંક ખૂન કરવા ના માંડે અને ચોરી કરવા ના માંડે. કંઈ જ વિચાર્યા વિના કહી દીધું કે ડિપાર્ટમેન્ટ ક્રિકેટ બંધ કરો અને તમે એક ઝટકે તેમના મોંથી કોળિયો છીનવી લીધો. તમે એવું જ ઇચ્છો છો કે માત્ર અમીર લોકો જ બચે, દરેક ચીજમાં ગરીબ જ મરી રહ્યો છે.