પ્રારંભ / તન્વી પ્રોડક્શન દ્વારા ગુજરાતના સૌથી પહેલા રિયાલિટી શોની VTV પર શરૂઆત, સવા કરોડ જીતવાની તક

• VTV પર ગુજરાતી રિઆલીટી શો 'સવાલોના સવા કરોડ'
• CM વિજય રૂપાણીએ વીડિયો સંદેશથી કરાવ્યો પ્રારંભ
• VTVના એડિટર ઈસુદાન ગઢવી સહિત સમભાવ ગ્રુપના COO નીરજ અત્રી પણ રહ્યાં હાજર

સૌપ્રથમ ગુજરાતી રિઆલીટી શો 'સવાલોના સવા કરોડ'

ગુજરાતીમાં સૌથી પહેલો રિયાલિટી શો 'સવાલોના સવા કરોડ'ની શરૂઆત થવા જઈ રહી છે. VTV ન્યૂઝ પર આ શોનું પ્રસારણ કરવામાં આવશે જેમાં ગુજરાતનાઆ સામાન્ય નાગરિકો પણ ભાગ લઈ શકશે. આ શોમાં રૂ.11 હજારથી લઇ 1.25 કરોડ સુધીની રોકડ જીતવાની તક આપવામાં આવશે. 

ખોડલધામના ચેરમેન નરેશ પટેલ પણ ઉપસ્થિત

આજે આ રિયાલિટી શોને લોન્ચ કરવામાં આવ્યું હતું જેમાં ભવ્ય કાર્યક્રમમાં ખોડલધામના ચેરમેન નરેશ પટેલ પણ ઉપસ્થિત રહ્યા હતા. આ સિવાય કાર્યક્રમમાં VTV ન્યૂઝના એડિટર ઈસુદાન ગઢવી સહિત સમભાવ ગ્રુપના COO નીરજ અત્રી પણ ઉપસ્થિતિ રહ્યાં હતાં. તન્વી ગ્રુપના વિમલ પટેલ સહિત સોમાભાઈ પટેલ, ગગજી સુતરીયા, દિનેશ નવાડીયા, વિમલ મુંગરા, શાંતિભાઈ પટેલ અને રવિ ભાલાળા પણ કાર્યક્રમમાં હાજર રહ્યા હતા. 

CM વિજય રૂપાણીએ વીડિયો સંદેશથી કરાવ્યો પ્રારંભ

ગુજરાતના પહેલા રિયાલિટી શોની શરૂઆત રાજ્યના સીએમ રૂપાણીએ વિડીયો સંદેશના માધ્યમથી કરાવી. તન્વી પ્રોડક્શન લિમીટેડ દ્વારા નવા કાર્યક્રમ પ્રસ્તુતિ કરવામાં આવી રહી છે જેમાં જાણીતા કલાકાર સિદ્વાર્થ રાંદેરિયા સંચાલન કરવાના છે. 

સામાન્ય જ્ઞાનના સવાલોના જવાબ આપવાના રહેશે 

નોંધનીય છે કે આ શોમાં 16 કે તેથી વધુ વર્ષના લોકો ભાગ લઇ શકશે જેના માટે એપ્લિકેશન અને વેબસાઇટ પરથી રજિસ્ટ્રેશન કરાવી શકાય છે.www.sscgujarat.com અને SSC GUJARAT એપ્સ પરથી રજિસ્ટ્રેશન કરાવવાનું રહેશે જેમાં  રજિસ્ટ્રેશન કરાવનારને 2,000નું ગિફ્ટ વાઉચર પણ આપવામાં આવશે. 4 ફેબ્રુઆરી સુધી ભાગ લેવા માંગતા લોકો રજિસ્ટ્રેશન કરાવી શકશે અને શોમાં સામાન્ય જ્ઞાનના સવાલોના જવાબ આપવાના રહેશે જે ગુજરાતીમાં જ રહેશે.