શિલ્પા શેટ્ટીના પતિ રાજ કુન્દ્રાની 19 જુલાઇના રોજ ધરપકડ કરવામાં આવી છે અને તેને 27 જુલાઇ સુધી કસ્ટડીમાં રાખવાની મંજૂરી આપી દેવામાં આવી છે.
રાજના અશ્લીલ બિઝનેસનું ગુજરાત કનેક્શન
તનવીર હાશ્મીએ આપ્યુ પોતાનુ નિવેદન
રાજ કુન્દ્રા વિશે કર્યો ચોંકાવનારો ખુલાસો
ગુજરાત પહોંચ્યા કુન્દ્રાના છેડા
રાજ કુન્દ્રાની ધરપકડ બાદ તપાસ કરવામાં આવી ત્યારે બહાર આવ્યું કે તેનો બિઝનેસ ગુજરાતમાં તનવીર હાશ્મી નામનો વ્યક્તિ ચલાવી રહ્યો હતો. જે બાદ હાશ્મીને સમન પાઠવવામાં આવ્યું હતુ અને તેની પણ પૂછપરછ કરવામાં આવી હતી.
તનવીર હાશ્મીનું નિવેદન
ગુજરાતના સુરતમાંથી તનવીર હાશ્મીની પણ ફેબ્રુઆરી મહીનામાં ધરપકડ કરવામાં આવી હતી. હવે જ્યારે રાજના કથિત કૌભાંડનો ખુલાસો થયો છે ત્યારે સામે આવ્યું કે તનવીર હાશ્મી સુરતમાં પોર્ન ફિલ્મનો કારોબાર ચલાવતો હતો. તનવીરે કહ્યું કે, હા તે ફિલ્મો બનાવતો હતો પરંતુ પોર્ન નહી અને રાજ કુન્દ્રાને તો તે ક્યારેય મળ્યો નથી.
ગેહના વશિષ્ઠ સિવાય 2 એક્ટ્રેસને સમન
ગેહના વશિષ્ઠ સિવાય 2 એક્ટ્રેસને ક્રાઇમ બ્રાંચને સમન પાઠવવામાં આવ્યું છે. રાજ કુન્દ્રાની ધરપકડ બાદ શર્લિન ચોપરા અને પૂનમ પાંડે ખુલીને સામે આવી અને તેના વિરુદ્ધ નિવેદન નોંધાવ્યા હતા. હવે આ 3 અભિનેત્રીઓને સમન પાઠવવામાં આવ્યું છે.
રાજ કુન્દ્રાની ધરપકડ બાદ સમગ્ર ભારતમાં તેના તાર ક્યાં ક્યાં જોડાયેલા છે તે મુદ્દે તપાસનો ધમધમાટ શરૂ થઇ ગયો હતો અને હવે ગુજરાતી સાગરિત તનવીર વિશે પોલીસ તપાસ કરી રહી છે.
શું છે સમગ્ર મામલો
થોડા સમય પહેલા વેબ સિરીઝના નામ પર અશ્લીલ ફિલ્મો બનાવવાના રેકેટનો ખુલાસો થયો હતો. જેમાં ગહના વશિષ્ઠનું નામ આવ્યું હતુ. આ મામલામાં મુંબઇ ક્રાઇમ બ્રાંચે ગુજરાતના સુરતથી તનવીર હાશ્મીની ધરપકડ કરી હતી.
તનવીર હાશ્મીએ પૂછપરછમાં જણાવ્યું કે, તે કેવી રીતે અલગ અલગ ફિલ્મોને વીડિયો ઍપ્સ પર ડાઉનલોડ કરવાનું કામ કરતો હતો. ઉમેશ કામત રાજ કુન્દ્રાની કંપનીમાં મેનેજીંગ ડિરેક્ટર છે. તે સમયે ચર્ચામાં આવ્યો હતો કે વેબ સિરીઝના નામ પર પોર્ન સિરીઝ બનાવવાનું આ રેકેટ મુંબઇથી ગુજરાત અને દેશ વિદેશ સુધી ફેલાયેલું છે.