સુરતની ઘટના બાદ રાજ્યમાં ફાયર વિભાગ દ્વારા અનેક જગ્યાઓ પર કાર્યવાહી હાથ ધરવામાં આવી રહી છે. ત્યારે વડોદરાના સમા સાવલી રોડ પર પેટ્રોલ પંપ પાસે ટેન્કરમાં આગ લગવાની ઘટના સામે આવી છે.
પેટ્રોલ પંપ પાસે આગ લાગતા અફરાતફરીનો માહોલ સર્જાયો. આગના પગલે ફાયર બ્રિગેડની ચાર ગાડીઓ ઘટનાસ્થળે પહોંચી છે. ફાયરની ટીમ દ્વારા આગ પર કાબુ મેળવવામાં આવ્યો છે.
વડોદરામાં ફાયર વિભાગની કાર્યવાહી
વડોદરા મહાનગર પાલિકાના ફાયર વિભાગે કાર્યવાહી હાથ ધરી છે. સુભાનપુરા વિસ્તારમાં ક્લાસીસોને સીલ મારવામાં આવ્યા છે. રેમ ક્રિષ્ના એપાર્ટમેન્ટમાં આવેલા ક્લાસીસને સીલ મારવામાં આવ્યા છે. ક્લાસીસને સીલ મારી વીજ જોડાણ પણ કાઢી નાખવામાં આવ્યુ છે. ક્લાસીસના સંચાલકોમાં તંત્રની કામગીરી સામે નારાજગી જોવા મળી છે. નોટિસ વિના જ ક્લાસીસને સીલ કરવામાં આવતા નારાજગી જોવા મળી છે.
વડોદરામાં વીજ કંપનીના ટ્રાન્સફોર્મ્સ જોખમી હાલતમાં
વડોદરામાં વીજ કંપનીના ટ્રાન્સફોર્મર જોખમી હાલતમાં હોવાનું સામે આવ્યું છે. વડોદરા શહેરમાં 5300 ટ્રાન્સફોર્મર ફેન્સિંગ વગર ખુલ્લી હાલતમાં છે. MGVCL દ્વારા માત્ર સર્વે કરીને સંતોષ માની લીધો હતો. તો ખુલ્લા વીજ ટ્રાન્સફોર્મર ફરતે ફેન્સિંગ કામગીરીનો અભાવ જોવા મળી રહ્યો છે. ત્યારે સ્થાનિકોએ આક્ષેપ કર્યો છે કે સમયાંતરે વીજ ટ્રાન્સફોર્મરનું ચેકિંગ કરવામાં આવતું નથી. તો MGVCL પણ મોટી દુર્ઘટનાની રાહ જોઈ રહ્યું હોવાનું સામે આવી રહ્યું છે.