ફોર્ચ્યુનરના માલિકે કારની નંબર પ્લેટ પર વાહનના નંબરને બદલે ઠાકુર લખ્યું હતું અને આ સાથે પોલીસ લખેલું હતું, જ્યારે પોલીસે કારના માલિકની અટકાય કરી ત્યારે તે બરબરનો ફસાયો હતો.
કાર કે બાઇકમાં નબર પ્લેટ પર લોકો જાતિ કે હોદ્દો લખે છે
આવો કિસ્સો હાલ ઉત્તર પ્રદેશના વારાણસીમાંથી સામે આવ્યો
કર ચાલકને પોલીસ સામે બડાઈ બતાવી ઘણી મોંઘી પડી
તમે જ્યારે કોઈ વાહન ખરીદો છો તો તેની સાથે કોઈ ખાસ નંબર પ્લેટ લેવા ઈચ્છો છો. જોકે ઘણા લોકો એવા છે જેને તેનાથી વધારે કોઈ ફરક નથી પડતો કે તેમના વાહનનો રજીસ્ટ્રેશન નંબર VIP છે કે કોઈ સામાન્ય. પરંતુ ઘણા ગાડીમાં VIP નંબર લેવાના શોખ હોય. આ શોખ હજુ સમજાય પણ ઘણા લોકોને પોતાની ગાડીમાં નંબર પ્લેટની જગાએ તેમની જાતિ કે કોઈ એવો શબ્દ લખીને ફરવાના પણ શોખ થતાં હોય છે. આવો જ એક કિસ્સો હાલ ઉત્તર પ્રદેશના વારાણસીમાંથી સામે આવ્યો છે.
બડાઈ બતાવી ઘણી મોંઘી પડી
ઉત્તર પ્રદેશના વારાણસીમાં એક ફોર્ચ્યુનર વાહનના માલિકને તેની બડાઈ બતાવી ઘણી મોંઘી પડી છે. મળતી માહિતી અનુસાર ફોર્ચ્યુનરના માલિકે કારની નંબર પ્લેટ પર વાહનના નંબરને બદલે ઠાકુર લખ્યું હતું અને આ સાથે ફોર્ચ્યુનરમાં પોલીસ લખેલું હતું. જ્યારે પોલીસે ફોર્ચ્યુનરના માલિકની અટકાય કરી ત્યારે તે બરબરનો ફસાયો હતો. પોલીસ 28,500 રૂપિયાનું ચલણ કાપવાની સાથે ફોર્ચ્યુનરને પણ જપ્ત કરી હતી.
પોલીસે કારને તાત્કાલિક કબજે કરી
વાત એમ હતી કે વારાણસી કેન્ટ પોલીસ સ્ટેશન હેઠળની ફોર્ચ્યુનર કાર પર નંબર પ્લેટની જગ્યાએ ઠાકુર શબ્દ લખવામાં આવ્યો હતો અને એ કારનો વીડિયો થોડા મસી પહેલા વાયરલ થયો હતો. એ બાદ વારાણસી પોલીસે વાઈરલ વિડિયોની તાત્કાલિક નોંધ લીધી અને ચેકિંગ દરમિયાન કારને રોકી હતી, એ પછી ફોર્ચ્યુનરનો ડ્રાઈવર પોલીસની સામે તેની બડાઈ બતાવવા લાગ્યો હતો. આ પછી કેન્ટ પોલીસ સ્ટેશન દ્વારા ફોર્ચ્યુનર કારને તાત્કાલિક કબજે કરવામાં આવી હતી. જો કે કોની ફોર્ચ્યુનર છે તે હજુ સ્પષ્ટ થયું નથી.
જણાવી દઈએ કે સામાન્ય જીવનમાં આવા કિસ્સા દરરોજ જોવા અને સાંભળવા મળે છે, જ્યાં લોકો પોતાની કાર કે બાઇક પર નંબરને બદલે પોતાની જાતિ કે કોઈ એવો શબ્દ કે હોદ્દો લખીને પોતાની બડાઈ દેખાવતો હોય છે. પોલીસ દ્વારા આવી કાર અને બાઇક સામે કાર્યવાહી પણ કરવામાં આવે છે અને એમને દંડ પણ કરવામાં આવે છે. આમ છતાં લોકો હજુ પણ સમજતા નથી અને આવા કિસ્સા અવારનવાર પ્રકાશમાં આવે છે.