તમીમ ઇકબાલે ટી20 ફોર્મેટમાંથી સન્યાસ લેવાનું એલાન કરી દીધું હતું. આ વિશે તમીમ એ ફેસબુક પર નાની એવી પોસ્ટ શેર કરી છે.
તમીમ ઇકબાલે ટી20 ફોર્મેટમાંથી સન્યાસ લેવાનું એલાન કરી દીધું હતું
મને આજથી ટી20 ઇન્ટરનેશનલ ક્રિકેટમાંથી રીટાયર સમજવામાં આવે -તમીમ
ઇકબાલના સંબંધ બાંગ્લાદેશ ક્રિકેટ બોર્ડ સાથે સારા નથી ચાલી રહ્યા
બાંગલાદેશ ક્રિકેટ ટીમે વેસ્ટઈન્ડિઝને એમના જ ઘરમાં ત્રણ વનડે મેચમાં માત આપી હતી અને આ બધુ તમીમ ઇકબાલની કેપ્ટનશિપમાં થયું છે. જો કે આ સિરિજમાં તમીમને પ્લેયર ઓફ ધ મેચ પણ જાહેર કરવામાં આવ્યો હતો. જો કે આ પછી તમીમે બધા લોકોને ચોંકાવી દીધા હતા.
તમીમ ઇકબાલે ટી20 ફોર્મેટમાંથી સન્યાસ લેવાનું એલાન કરી દીધું હતું. આ વિશે તમીમ એ ફેસબુક પર નાની એવી પોસ્ટ શેર કરી છે. જેમાં બાંગ્લા અને અંગ્રેજી ભાષામાં ફક્ત દોઢ લાઇનનો સંદેશ લખ્યો છે. તમીમ એ લખ્યું હતું કે - મને આજથી ટી20 ઇન્ટરનેશનલ ક્રિકેટથી રીટાયર સમજવામાં આવે. તમારા બધાનો ખૂબ ખૂબ આભાર.
જણાવી દઈએ કે તમીમ ઇકબાલના સંબંધ બાંગ્લાદેશ ક્રિકેટ બોર્ડ સાથે સારા નથી ચાલી રહ્યા છે. હાલમાં જ વનડે ટીમના કેપ્ટન તમીમ ઈકબાલે બીસીબી પર કટાક્ષ કર્યો હતો અને કહ્યું હતું કે બોર્ડ તેની સાથે T20 ક્રિકેટમાં તેના ભવિષ્ય વિશે વાત કરી રહ્યું નથી. તમીમનો એવો પણ આરોપ છે કે તેને મીડિયામાં પોતાનો પક્ષ રજૂ કરવાની એક પણ તક આપવામાં આવી નથી.
33 વર્ષના તમીમએ આગળ કહ્યું હતું કે, 'કોઈ એ મને મારો ટી20 પ્લાન જણાવવાનો મોકો જ નહતો આપ્યો. મારા ટી20 ના ભવિષ્યને લઈને બધી મોટી અપડેટ મને મીડિયામાંથી સાંભળવા મળતી હતી. મને બોર્ડમાં કઈં બોલવાનો મોકો નહતો મળતો.'
"Consider me retired from T20 internationals from today. Thanks everyone."
તમીમ ઇકબાલને ગયા વર્ષે જુલાઈમાં ગોઠણમાં ઘા લાગ્યો હોવાને કારણે એમને ક્રીકટથી થોડા સમય પૂરતી દૂરી બનાવી લીધી હતી. એમને એ સમયે ઘોષણા કરી હતી કે ટી20 વિશ્વ કપ 2021 માં એ હિસ્સો નહીં લે અને તેની જગ્યા પર કોઈ યુવા ખેલાડીને મોકો આપવામાં આવે.
આ વર્ષે સાઉથ આફ્રિકાના ટુર પરની વનડે સિરીજ દ્વારા તમીમ ઇકબાલે નેશનલ ટીમમાં ફરી પ્રવેશ મેળવ્યો હતો. તમીમે અત્યાર સુધી 69 ટેસ્ટ, 228 વનડે અને 78 ટી20 ઇન્ટરનેશનલ મેચ રમ્યા છે. ટેસ્ટ ક્રિકેટમાં તમીમે 39.09 ના એવરેજથી 5082 રન બનાવ્યા હતા, જેમાં 10 શતક અને 31 અર્ધશતક શામેલ છે. વન ડેમાં 36.94 ના એવરેજથી 7943 રન બનાવ્યા છે, જેમાં 14 શતક અને 53 અર્ધશતક શામેલ છે. ટી20 ઇન્ટરનેશનલ મેચમાં 1758 રન બનાવ્યા છે, જેમાં 1 શતક અને 7 અર્ધશતક શામેલ છે.