સાદગીની મિસાલ / મોદી સરકારમાં મંત્રી છે દીકરો, છતાં પણ ખેતરમાં મજૂરી કરે છે માતા પિતા

• મોદી સરકારમાં મંત્રી છે એલ મુરગન
• માતા પિતા ખેતરમાં મજૂરી કામ તો ક્યારેક કુલીનું કામ કરે છે
• અરુણથાતિયાર સમુદાયથી આવે છે એલ મુરગન

પીએમ મોદીએ 2 અઠવાડિયા પહેલા કેબિનેટનો વિસ્તાર કર્યો હતો. જેમાં 43 મંત્રીઓએ શપથ લીધા હતા. આ સમયે ભાજપની તમિલનાડુના અધ્યક્ષ એલ મુરગનને પણ રાજ્યમંત્રી બનાવાયા હતા. 44 વર્ષના મુરગને લાંબા સંઘર્ષ બાદ આ સફરનો આસ્વાદ માણ્યો છે. અનેક દિવસોથી તેમના માતાપિતાની ચર્ચા ચાલી રહી છે. તેઓ રાજનીતિથી દૂર તમિલનાડુના એક ગામમાં મજૂરી કામ કરે છે. એલ મુરગનના માતા પિતાને દીકરાની કામયાબી પર ગર્વ છે પણ સાથે તેઓ પોતાની જિદંગી જીવવા ઈચ્છે છે જેનાથી તેમને 2 ટંકનું ભોજન મળી રહે.  મળતી માહિતી અનુસાર મુરગનના માતા પિતા દિલ્હીથી લગભગ અઢી હજાર કિમી દૂર નમાક્કલ જિલ્લાના કોન્નૂર ગામમાં કામ કરી રહ્યા હતા. તેમની 59 વર્ષની માતા એ વરુદામ્મલ અને 68 વર્ષના પિતા એલ લોગાનથન કોઈ અન્યના ખેતરમાં મજૂરી કામ કરે છે.  

 
નથી લીધું સફળતાનું શ્રેય
મળતી માહિતિ અનુસાર મુરગનના માતા પિતાએ દીકરાની સફળતાનું શ્રેય લેવાની મનાઈ કરી છે. તેઓએ કહ્યું કે અમારો દીકરો કેન્દ્રીય મંત્રી બની ગયો તો અમે શું કરી શકીએ. અમે તેની કરિયરમાં સફળતા માટે કંઈ કર્યું નથી. 
 
મજૂરી કરે છે માતા પિતા
એલ મુરગન દલિત છે અને તે અરુણથાતિયાર સમુદાયથી આવે છે. નમક્કલ જિલ્લામાં તેમનું નાનું ઘર છે. માતા પિતાને જ્યારે પણ કામ મળતું તેઓ કરી લેતા. ક્યારેક ખેતીમાં મજૂરી તો ક્યારેક કુલીનું કામ કરતા. જ્યારે તેમના પડોશીઓની મદદથી  તેમને દીકરાના મંત્રી બનવાની જાણ થઈ તો તેઓ બંને ખેતરમાં કામ કરી રહ્યા હતા પણ દીકરાની સફળતા સાંભળીને રોકાયા નહીં અને કામ કરતા રહ્યા.
 

 
ઉધાર લઈને દીકરાને ભણાવ્યો
મુરગને પિતાને કહ્યું કે તેમનો દીકરો અભ્યાસમાં ખૂબ જ સારો છે. તેઓએ સરકારી શાળામાં અભ્યાસ કર્યો. પછી મુરગને ચેન્નઈના આંબેડકર લો કોલેજથી કાયદાનો અભ્યાસ કર્યો. પિતાને દીકરાના અભ્યાસ માટે રૂપિયા મિત્રો પાસેથી ઉધાર લેવા પડયા હતા. મુરગને ભાજપની તમિલનાડુના અધ્યક્ષ બન્યા બાદ ચેન્નઇમાં માતા પિતાને સાથે રહેવા બોલાવ્યા, પણ થોડા દિવસો બાદ તેઓ પરત ફરી ગયા. માતાએ કહ્યું કે અમે ક્યારેક 3-4 દિવસ માટે ચેન્નઈ જતા પણ તેની બીઝિ લાઈફસ્ટાઈલમાં અને ફિટ થઈ શક્યા નહીં અને અમે પરત ગામ કોન્નૂર આવી ગયા.
 

મોટી સફળતા છે
એલ મુરગનના મંત્રી બન્યા બાદ પોતાના માતા પિતાને તેઓએ ફોન કર્યો. માતાપિતાએ કહ્યું કે શું તેમના પદથી આ પદ વધારે ઉંચું છે? માતા પિતા કહે છે કે અમારો દીકરો મોટા પદ પર પહોંચી ગયો છે. માતા પિતા તરીકે અમારા માટે આ મોટી સફળતા છે.