કહેર / મેઘરાજા હવે ખમૈયા કરે તો સારું! ચેન્નાઇમાં 6 વર્ષ બાદ જળબંબાકાર, CM સ્ટાલિને લીધો મોટો નિર્ણય

• ચેન્નઇમાં ધોધમાર વરસાદ
• અનેક વિસ્તારમાં ભરાયા પાણી
• લોકોના ઘરમાં પાણી ભરાયા

દક્ષિણ ભારતીય રાજ્યના ઘણા જિલ્લાઓમાં સ્થિતિ ખૂબ જ ખરાબ છે. અહેવાલ છે કે બપોરે 2 વાગ્યા સુધી ઓછામાં ઓછા 81 લોકોને બહાર કાઢીને આશ્રયસ્થાનમાં લઈ જવામાં આવ્યા હતા. તે જ સમયે, વરસાદ સંબંધિત ઘટનાઓમાં ઓછામાં ઓછા ચાર લોકોના મોત થયા હોવાના અહેવાલ છે. 

#WATCH | Dark clouds cover the sky in Coimbatore of Tamil Nadu this morning.

As per India Meteorological Department (IMD), Coimbatore likely experience a generally cloudy sky with heavy rain today. pic.twitter.com/LodTADOGzx

— ANI (@ANI) November 8, 2021

શાળા-કોલેજો બંધ રાખવાના આદેશ 

દરમિયાન પાણી ભરાવાના કારણે રેલવે તંત્ર પણ પ્રભાવિત થયું છે. બંગાળની ખાડીમાં ઓછા દબાણને કારણે ચેન્નાઈમાં ગઈકાલે રાત્રે ભારે વરસાદ નોંધાયો હતો. ચાર જિલ્લામાં આગામી બે દિવસ શાળા-કોલેજો બંધ રાખવાના આદેશ કરવામાં આવ્યા છે. તે જ સમયે, એનડીઆરએફની ટીમો તિરુવલ્લુર, ચેંગલપટ્ટુ અને મદુરાઈમાં તૈનાત છે. કહેવામાં આવી રહ્યું છે કે 6 વર્ષ બાદ ચેન્નાઈમાં આટલો ભારે વરસાદ નોંધાયો છે.

PM મોદી આવ્યા એક્શનમાં 

સ્થિતિની ગંભીરતાને જોતા વડાપ્રધાન નરેન્દ્ર મોદીએ રાજ્યના મુખ્યમંત્રી એમકે સ્ટાલિન સાથે વાત કરી અને શક્ય તમામ મદદની ખાતરી આપી. પીએમએ ટ્વીટ કર્યું, 'તમિલનાડુના સીએમ એમકે સ્ટાલિન સાથે વાત કરી અને રાજ્યના કેટલાક ભાગોમાં ભારે વરસાદને ધ્યાનમાં રાખીને પરિસ્થિતિ અંગે ચર્ચા કરી. કેન્દ્ર વતી બચાવ અને રાહત કાર્યમાં શક્ય તમામ સહકાર આપવાનું વચન આપ્યું હતું. હું દરેકની સલામતી ઈચ્છું છું.

#WATCH | Tamil Nadu: Water logging in parts of Chennai, following heavy rainfall here, affects normal life. Visuals from Korattur area this morning.

Heavy rainfall expected in coastal areas of Andhra Pradesh and Tamil Nadu from 9-11th Nov due to northeast monsoon, as per IMD. pic.twitter.com/E5ZaWH3KCM

— ANI (@ANI) November 8, 2021

ચેન્નાઈમાં રાહત કેમ્પ કરાયા શરૂ 

ધ ટાઈમ્સ ઓફ ઈન્ડિયાએ રેવન્યુ અને ડિઝાસ્ટર મેનેજમેન્ટ મિનિસ્ટર કેકેએસએસઆર રામચંદ્રનને ટાંકીને કહ્યું કે અસરગ્રસ્તોને રાહત શિબિરોમાં રાખવામાં આવ્યા છે. આ સાથે જ પાણી ભરાવાથી પ્રભાવિત લોકોને કુલ 50 હજાર 451 ફૂડ પેકેટનું વિતરણ કરવામાં આવ્યું છે. તેમણે કહ્યું કે રસ્તાઓ પરથી પાણી દૂર કરવા માટે મોટા પંપનો ઉપયોગ કરવામાં આવી રહ્યો છે. ન્યૂઝ એજન્સી ANI અનુસાર, રાજ્ય સરકારે આવા 500 પંપ લગાવ્યા છે.

રાજ્યમાં શું સ્થિતિ છે

મુખ્યમંત્રી સ્ટાલિને ચેન્નાઈ, તિરુવલ્લુર, ચેંગલપેટ અને કાંચીપુરમમાં બે દિવસની શાળા રજા જાહેર કરી છે. રાજ્ય સરકારની વિનંતી પર, NDRFની ચાર ટીમો રાહત અને બચાવ કાર્ય માટે તૈનાત છે. રવિવારે મુખ્યમંત્રીએ પરમબુર બેરેક રોડ, ઓત્રી પુલ અને પાડીના અસરગ્રસ્ત વિસ્તારોની મુલાકાત લીધી હતી. મુખ્યમંત્રીએ માહિતી આપી હતી કે ચેન્નાઈ અને અન્ય 11 જિલ્લાઓ 20 સેમી કે તેથી વધુ વરસાદથી પ્રભાવિત છે. તેમણે કહ્યું કે અન્ય જિલ્લાઓમાં વધુ વરસાદ નોંધાયો નથી, પરંતુ અહીં પણ સતત દેખરેખ રાખવાના આદેશ આપવામાં આવ્યા છે.