તામિલનાડુ / રાહુલ ગાંધીએ નિભાવ્યું વચન, કન્યાકુમારીના 12 વર્ષના ફેલિક્સ માટે મોકલી આ વસ્તુ

• કે.કામરાજનું પોસ્ટર લઇને ખુલ્લા પગે ઉભો હતો ફેલિક્સ
• રાહુલ ગાંધીએ ફેલિક્સ માટે મોકલાવ્યા સ્પોર્ટ્સ શૂઝ
• તામિલનાડુના પ્રવાસ દરમિયાન તેઓ ગયા હતા કન્યાકુમારી

રાહુલ આ મહિનાની શરૂઆતમાં તમિલનાડુના પ્રવાસ દરમિયાન કન્યાકુમારી ગયા હતા. ત્યાં તેમની ફેલિક્સ સાથે મુલાકાત થઇ હતી. ફેલિક્સ તે સમયે ખુલ્લા પગે તમિલનાડુના પૂર્વ મુખ્યમંત્રી કે.કામરાજનું પોસ્ટર લઇને ઉભો હતો. રાહુલની નજર ફેલિક્સ પર પડી જ્યારે એમણે રોડ કિનારે ચા પીવા માટે ગાડી એક સ્ટોલ પર ઉભી રાખાવી હતી. 

કોંગ્રેસના પૂર્વ રાષ્ટ્રીય અધ્યક્ષ રાહુલ ગાંધીએ તે સમયે ચાના સ્ટોલ પર જતા ફેલિક્સના ખભા પર હાથ રાખ્યો હતો. રાહુલે ફેલિક્સ સાથે વાત-ચીત પણ કરી હતી. રાહુલ ગાંધીએ ફેલિક્સને પૂછ્યું હતું કે એને શું કરવું સૌથી સારુ લાગ્યું હતું. આ વાત પર ફેલિક્સે કહ્યું કે, દોડવું. પાંચમાં ધોરણમાં ભણતા ફેલિક્સે કહ્યું કે તે 100 મીટરની દોડનો રનર છે. રાહુલે પૂછ્યું હતું કે તે ખુલ્લા પગે દોડે છે કે સૂઝ પેહરીને?

રાહુલે તે સમયે ફેલિક્સને જલ્દી સ્પોર્ટ્સ શૂઝ મોકલવાનું વચન આપ્યું હતું. એવું પણ કહ્યું હતું કે તે ટ્રેનિંગ માટે કોઈ એકેડમીમાં પ્રવેશ માટે મદદ કરશે. ફેલિક્સ રાહુલના મોકલેલાં સ્પોર્ટ્સ શૂઝ મેળવીને બહુ જ ખુશ છે.