ઉમેદવારોને ઠપકો / ફ્રી લૅપટોપ-ટીવીના વાયદા કરો છો તે પહેલાં વીજળી-પાણીના વાયદા પૂરાં કરો : હાઈકોર્ટ

• મતદાતાઓને ફ્રી લેપટોપના લોભામણા વાયદા કરનાર ઉમેદવારો પર હાઈકોર્ટ ખફા
• લોકોને પ્રાથમિક સુવિધાઓ આપો અને વચન નિભાવો-મદ્રાસ હાઈકોર્ટ
• તમિલનાડુમાં બેરોજગારી વધી રહી છે, ગ્રેજ્યુએટ સફાઈ કર્મચારીનું કામ કરવા મજબૂર

મદ્રાસ હાઈકોર્ટના જસ્ટિસ એન કિરુવકરન અને જસ્ટિસ બી.પુગલેંધીએ જણાવ્યું કે ઉમેદવારોએ ફ્રી લેપટોપ, ટીવી-પંખા, મિક્સી અને બીજી ચીજોની લાલચ આપવાને બદલે પ્રાથમિક સુવિધાઓ ચૂંટણી ઢંઢેરામાં સામેલ કરવી જોઈએ. કોર્ટે કહ્યું કે સારુ છે કે રાજકીય પાર્ટીઓના ઉમેદવારો મતદાતાઓને મફત ચીજવસ્તુઓ આપવાને બદલે પાણી, વીજળી, આરોગ્ય, ટ્રાન્સપોર્ટ સુવિધા પૂરી પાડવાનો વાયદો કરે. સાથે ચૂંટણી જીતી ગયા બાદ આ વાયદાઓ પૂરા કરવા પણ એટલા જ મહત્વના છે.

કરદાતાઓ મફતની લહાણીની લાલચમાં આવી જનાર નથી.

જસ્ટિસે કહ્યું કે કરદાતાઓ મફતની લહાણીની લાલચમાં આવી જનાર નથી. જો આવું જ ચાલતું રહેશે તો એક દિવસ તમિલનાડુમાં પ્રવાસી શ્રમિક તમામ સંપત્તિના માલિક બની જશે અને અહીંના રહેવાશી તેમના ગુલામ બની જશે. રાજ્યમાં બેરોજગારી વધી રહી છે. પરિસ્થિતિ એટલી ખરાબ છે કે એન્જિનિયરિંગ ગ્રેજ્યુએટ નોકરી માટે સરકારી ઓફિસોમાં સફાઈ કર્મીનું કામ કરવા પણ તૈયાર છે. 

ચૂંટણી પંચે ચૂંટણી ઢંઢેરામાં કરાયેલા તર્કસંગત વાયદાઓ અંગે કોઈ પગલાં ઉઠાવ્યાં છે 

મદ્રાસ હાઈકોર્ટને જસ્ટિસે આગળ કહ્યું કે અમે જાણવા માગીએ છીએ કે શું ચૂંટણી પંચે ચૂંટણી ઢંઢેરામાં કરાયેલા તર્કસંગત વાયદાઓ અંગે કોઈ પગલાં ઉઠાવ્યાં છે. શું આ પ્રકારના ચૂંટણી ઢંઢેરાની તપાસ કરવા અને રાજકીય પાર્ટીઓની સામે કાર્યવાહી કરવા માટે કેન્દ્ર સરકાર કોઈ કાયદો લાવવાનું વિચારી રહી છે. તેમણે કહ્યું કે આજની ચૂંટણીમાં બિરીયાની અને બોટલ (દારુ) એક વાસ્તવિકતા બની છે. જે લોકો આવી ચીજો માટે પોતાનો મત વેચે છે તેમને પ્રાથમિક સુવિધાઓની ફરિયાદ કરવાનો કોઈ અધિકાર નથી. આવા મતદાતાઓ એવા ઉમેદવારોને કે જેઓ વાયદો કરીને ફરી જતા હોય છે.