મફતની સાડીઓ માટે ટોકન આપવામાં આવી રહ્યાં હતાં જેના કારણે અનેક મહિલાઓની સ્થળ પર ભીડ લાગી ગઈ હતી. ભાગાદોડી દરમિયાન 4 મહિલાનું મોત પણ નિપજ્યું છે.
તમિલનાડુમાં મફતની સાડીઓ માટે થઈ ભાગાદોડી
આશરે 4 મહિલાનું મોત અને 11 ઘાયલ
CMએ મૃતકોનાં પરિવારને 2 લાખ રૂપિયા આપવાની કરી જાહેરાત
તમિલનાડુનાં તિરૂપત્તૂરમાં મફતમાં સાડી લેવા મહિલાઓએ દોટ મૂકી હતી. આ ભાગાદોડીમાં આશરે 4 વયસ્ક મહિલાઓનું મૃત્યુ નિપજ્યું છે. એટલું જ નહીં આશરે 11 લોકો ગંભીર ધોરણે ઘાયલ પણ થયાં છે. પોલીસને મળેલી જાણકારી અનુસાર વાનિયામવાડીમાં શનિવારે થાઈપુસમ તહેવારનાં દિવસેએક વ્યક્તિ મફતમાં સાડીઓનાં ટોકન મફતમાં આપી રહ્યો હતો. આ ટોકન લેવા માટે સ્થળ પર ભીડ જમા થઈ ગઈ.
2 લાખ રૂપિયા આપવાની જાહેરાત
તમિલનાડુનાં CM એમ.કે. સ્ટાલિને આ માહિતી મળ્યાં બાદ મૃતક મહિલાઓનાં પરિવારને 2-2 લાખ રુપિયા આપવાની ઘોષણા કરી હતી. આશરે 4 મહિલાનું સ્થળ પર જ મોત નિપજ્યું હતું.