તમિલનાડુની આ કંપની તેના અપરિણીત કર્મચારી માટે વર-કન્યા પણ શોધી આપે છે. આ સાથે લગ્ન બાદ તે તેમના ઘરની જવાબદારી પણ લઈ રહી છે. સૌથી મહત્વની વાત એ છે કે લગ્ન પછી કર્મચારીઓને તેમના પગારમાં સ્પેશિયલ હાઈક મળે છે.
તમિલનાડુમાં એક IT કંપની આપે છે ખાસ સુવિધા
પોતાના કર્મચારીઓના કરાવે છે લગ્ન
લગ્ન બાદ પગાર પણ વધારી આપે છે
તમિલનાડુમાં એક IT કંપની તેના કર્મચારીઓની નોકરી તેમજ તેમના ફેમિલિ પ્લાનિંગની પણ જવાબદારી ઉઠાવી રહી છે. આ કંપની તેના અપરિણીત કર્મચારી માટે વર અને કન્યા પણ શોધે છે. આ સાથે લગ્ન બાદ તે તેમના ઘરની જવાબદારી પણ લઈ રહી છે. સૌથી મહત્વની વાત એ છે કે લગ્ન પછી કર્મચારીઓને તેમના પગારમાં સ્પેશિયલ હાઈક પણ આપવામાં આવે છે.
તમિલનાડુની કંપનીએ આપી ખાસ ઓફર
એક રિપોર્ટ અનુસાર ગ્લોબલ ટેક્નોલોજી સોલ્યુશન્સ પ્રોવાઈડર કંપની શ્રી મૂકામ્બિકા ઈન્ફોસોલ્યુશન્સ તેના અપરિણીત કર્મચારીઓને જીવન સાથી શોધવામાં મદદ કરે છે. કંપની તમિલનાડુની મદુરાઈ બ્રાન્ચમાં પોતાના કર્મચારીઓને આ ખાસ સુવિધા આપી રહી છે. વર્ષ 2006માં આ કંપનીની શરૂઆત શિવકાશીથી કરવામાં આવી હતી. આ પછી 2010માં કંપનીએ મદુરાઈમાં પોતાનું બેઝ બનાવ્યું. કંપનીની વાર્ષિક આવક 100 કરોડની આસપાસ છે.
કંપનીના કર્મચારીઓ CEOને માને છે મોટાભાઈ
કંપનીના CEO સેલ્વાગણેશનું કહેવું છે કે તેઓ તેમના કર્મચારીઓને ખાસ ઑફર આપવામાં માને છે. સેલ્વાગણેશ કહે છે કે શરૂઆતમાં તેમને તેમની કંપની માટે કર્મચારીઓની ભરતી કરવામાં સમસ્યા હતી. આ પછી તેમણે પોતાના કર્મચારીઓને વિશેષ સુવિધાઓ આપવાનું શરૂ કર્યું.
આ કારણે કંપનીનું પર્ફોર્મન્સ પણ ઘણું સારું બન્યું છે. આ સાથે તેમના અને કર્મચારીઓ વચ્ચેના સંબંધો પરિવારના સભ્યો જેવા બની ગયા હતા. કંપનીના કર્મચારીઓ તેમને પોતાના મોટા ભાઈ માને છે.
લગ્ન થતાં જ વધી જાય છે પગાર
સેલ્વાગનેશે જણાવ્યું કે ઘણા લોકો દૂરના ગામડાઓમાંથી આવે છે અને તેમની કંપનીમાં કામ કરે છે. આવી સ્થિતિમાં તેના માતા-પિતા ગામમાં રહે છે અને તેમને લગ્ન માટે જીવનસાથી શોધવામાં સમસ્યા છે. આવી સ્થિતિમાં તેઓ એલાયન્સ મેકર્સ દ્વારા તેમના કર્મચારીઓ માટે વર અને કન્યા શોધવામાં મદદ કરે છે. આ પછી તમામ કર્મચારીઓ તેના લગ્નમાં પણ જાય છે. સૌથી મહત્વની વાત એ છે કે લગ્ન થતાં જ કર્મચારીનો પગાર વધી જાય છે.