વાયદા 'બજાર' / તમિલનાડુ: AIADMKનો ઢંઢેરો જાહેર, વર્ષે 6 ફ્રી સિલિન્ડર અને દર પરિવારથી 1ને સરકારી નોકરીનું વચન

• તમિલનાડુમાં ચૂંટણીની રસાકસી જામી 
• દર પરિવારમાંથી એકને સરકારી નોકરીનું વચન 
• AIADMKનો ચૂંટણી ઢંઢેરો જાહેર 

તમિલનાડુની કુલ 234 વિધાનસભા બેઠકો માટે 6 એપ્રિલે એક જ તબક્કામાં મતદાન યોજાશે, જેના પરિણામ 2 મેના રોજ આવશે, હાલમાં આ રાજ્યમાં ગઠબંધન અંતર્ગત ભાજપ અને AIADMK સાથે મળીને ચૂંટણી લડશે, નોંધનિય છે કે આજે આ મુદ્દે AIADMK દ્વારા ઘોષણાપત્ર જાહેર કરવામાં આવ્યું હતું.

"We will request Central govt for dual citizenship & residential permit to Sri Lankan Tamil refugees in India. AIADMK will continue to ask the Central government to withdraw CAA," AIADMK leader C Ponnaiyan reads the party manifesto in Chennai.

— ANI (@ANI) March 14, 2021

ચૂંટણીપત્રમાં મોટા વાયદા 

તામિલનાડુમાં વિધાનસભાની ચૂંટણીઓ પહેલા સત્તાધારી AIADMK  મોટી ચૂંટણી જીતવા માટે મોટો દાવ રમી નાખ્યો છે. રવિવારે સાંજે પાર્ટીનો જાહેરનામું બહાર પાડવામાં આવ્યું હતું. જેમાં વચન આપવામાં આવ્યું છે કે જો રાજ્યમાં ફરીથી અન્નાદ્રમુકની સરકાર બનશે તો દરેક પરિવારના ઓછામાં ઓછા એક સભ્યને સરકારી નોકરી આપવામાં આવશે. આની સાથે દર વર્ષે દરેક પરિવારને છ એલપીજી સિલિન્ડર મફત આપવામાં આવશે.

AIADMK  ભાજપ સાથે જોડાણ કરીને ચૂંટણી લડી રહી છે

AIADMK  ભાજપ સાથે જોડાણમાં તમિલનાડુ માં ચૂંટણી લડશે. AIADMK  177 બેઠકો પર ચૂંટણી લડશે, જ્યારે તેના જોડાણના ભાગીદારો 43 બેઠકો પર ઉમેદવારો ઉભા કરશે. તે જ સમયે, 14 બેઠકો પર ઉમેદવારોના નામની જાહેરાત કરવામાં આવી નથી. તમિલનાડુ  વિધાનસભાની 234 બેઠકો માટે 6 એપ્રિલે એક જ તબક્કામાં ચૂંટણી યોજાવાની છે.

આ ચૂંટણીમાં પહેલી વાર થશે કે... 

દરેક વખતે આ રાજ્યની ચૂંટણીમાં કરુણાનિધિ અથવા જયલલિતાનો દબદબો રહેતો હતો, રાજ્યની રાજનીતિમાં આ બે નેતાઓની વિરાટ પ્રતિભાના જોરે અમુક વાર DMK તો અમુક વાર AIADMK સત્તામાં આવતી રહી છે, પરંતુ આ વખતે આ બંને મુખ્ય નેતાઓની ગેરહાજરીમાં આ વિધાનસભાની ચૂંટણી લડાવા જઈ રહી છે, અને કોંગ્રેસ-DMK સાથે તો AIADMK-ભાજપ સાથે ગઠબંધન ધરાવે છે.