દુબઈમાં આયોજીત થનારો આંતરરાષ્ટ્રીય ફેશન શો ઘણી સેલિબ્રિટીઓને પોતાની સિદ્ધી બતાડવાની તક આપે છે. આ વખતે તેમાં તામિલનાડુના આશરે 6 વર્ષના શિવકુમારને પસંદ કરવામાં આવ્યો છે.
દુબઈમાં આંતરરાષ્ટ્રીય ફેશન શોમાં તામિલનાડુના બાળકની પસંદગી
સમાચાર એજન્સી ANI મુજબ, તામિલનાડુના શહેર કોઈમ્બતૂર સાથે ઘરોબો રાખનારા રાણાની દુબઈ આંતરરાષ્ટ્રીય ફેશન વીક માટે પસંદગી કરવામાં આવી છે. મીડિયા સાથેની વાતચીતમાં રાણાએ કહ્યું, મને મોડલિંગ પસંદ છે અને હું નેવી અધિકારી બનવા માંગુ છુ. તો રાણાની માતાએ કહ્યું, તેમના પુત્રએ મૉડલિંગમાં અત્યાર સુધી 13થી વધુ ઈનામ જીત્યા છે.
Tamil Nadu| A 6-year-old boy from Coimbatore, Rana has been selected for the International fashion Show to be held in Dubai
"I love modeling & want to become Navy officer," said Rana
"He won over 13 awards so far in fashion modeling," said Rana's mother (20.11) pic.twitter.com/bhjexzvoz8
મૉડલ રાણા શિવકુમાર કોઈમ્બતુરના રામનગરના રહેવાસી છે. તેમની પસંદગી આંતરરાષ્ટ્રીય જૂનિયર ફેશન શોના ફાઈનલમાં ભાગ લેવા માટે કરવામાં આવી છે. માહિતી મુજબ, શિવકુમાર રાણા તામિલનાડુનો પ્રથમ એવો બાળક છે, જેને આટલા મોટા ફેશન શોમાં ભાગ લેવાની તક મળી છે. રાણા એક ખાનગી શાળાના પ્રથમ ધોરણના વિદ્યાર્થી છે અને એક વેપારી પરિવારમાંથી આવે છે. રાણાના પિતા શિવકુમાર એક કપડાના વેપારી છે. જ્યારે તેમની માતા ગોમતી એક બ્યુટી સલુન ચલાવે છે.
3 વર્ષથી શરૂ કર્યુ હતુ ફેશન શોમાં ભાગ લેવાનુ
એક ઈન્ટરવ્યુમાં વાતચીત દરમ્યાન રાણાના પિતા શિવકુમાર કહે છે કે મારો પુત્ર ત્રણ વર્ષની ઉંમરથી ફેશન શોમાં ભાગ લઇ રહ્યો છે. તેમણે મોડલિંગ, જાહેરાત અને ટૂંકી ફિલ્મોમાં પણ અભિનય કર્યો છે. થોડા વર્ષ પહેલાં મારી પત્નીના બ્યુટી સલૂનમાં આવેલા ફેશન ડિઝાઈનરોમાંથી એક જણે મારા પુત્રને જોયો ત્યારે તે ત્રણ વર્ષનો હતો અને કહ્યું કે તે ફેશન શો માટે ફીટ છે ત્યારે તેઓએ વિચાર્યુ હતુ કે તેમને એક ફેશન શોમાં કેમ મોકલવામાં ના આવે. રાણાએ જ્યારે પ્રથમ વખત કોઈમ્બતુરમાં ફેશન શોમાં ભાગ લીધો ત્યારે તેણે પ્રથમ ઈનામ જીત્યુ હતુ. આ ચાઈલ્ડ મોડલ માટે ખૂબ મોટી સિદ્ધી હતી. રાણાએ અત્યાર સુધી કોઈમ્બતુર, સલેમ અને ચેન્નઈમાં જૂનિયર ફેશન શોમાં ભાગ લીધો છે. તેમણે ઘણાં રાષ્ટ્રીય અને રાજ્ય સ્તરની પ્રતિયોગિતા પણ જીતી છે અને અત્યાર સુધી 13થી વધુ એવોર્ડ પણ જીત્યા છે.