હાલમાં તમિલ ફિલ્મ ઇન્ડસ્ટ્રીમાં બનેલી ફિલ્મ બીગીલે ફક્ત ૧૭ દિવસમાં ૩૦૦ કરોડનો વકરો કરીને ઈતિહાસ રચી દીધો છે.
તમિલ સિનેમા સ્ટાર વિજયની સ્પોર્ટ્સ ફિલ્મ બીગીલ ૨૫ ઓક્ટોબરે સિનેમા ઘરોમાં રીલીઝ થઇ હતી. દિવાળીના દિવસે રીલીઝ થયેલી આ ફિલ્મે બોક્સ ઓફિસ ઉપર ધૂમ મચાવી દીધી હતી. વિજયની આ ફિલ્મ તમિલ સિનેમા જગતની સૌથી સફળ અને બોક્સ ઓફિસ ઉપર વિક્રમ રચનાર બની ગઈ છે.
આ હેશટેગ થયો વાઈરલ
વિજયના ફેન્સ આ સફળતાથી ખૂબ ખુશ છે. સોશિયલ મીડિયા ઉપર #BIGILHits300CrsInWW હેશ ટેગ વાઈરલ થઇ ગયો હતો.
શું છે ફિલ્મની વાર્તા?
આ ફિલ્મમાં વિજય એક મહિલા ફૂટબોલ ટીમના કોચની ભૂમિકામાં છે. આ સ્પોર્ટ્સ ફિલ્મ દર્શકોને ખૂબ પસંદ પડી છે. નિષ્ણાતોના મતે આ ફિલ્મ જોઈને છોકરીઓને સ્પોર્ટ્સ જોઈન કરવાની પ્રેરણા મળી રહી છે.