સાઉથ ઈન્ડિયન એક્ટ્રેસ વિજયલક્ષ્મીએ માનસિક તણાવને કારણે આત્મહત્યા કરવાનો પ્રયાસ કર્યો પણ સદભાગ્યે તેને બચાવી લેવામાં આવી. વિજયલક્ષ્મીએ સુસાઈડ કરતાં પહેલાં ઘણાં વીડિયો સોશિયલ મીડિયા પર નાખ્યા હતા, જેમાં તેણે કહ્યું હતું કે, સોશિયલ મીડિયા દ્વારા તેને ખૂબ જ બુલી કરવામાં આવી રહી છે, જેના કારણે તે તણાવમાં છે. પછી રવિવારે તેણે એક વીડિયો પોસ્ટ કરી દાવો કર્યો કે તેણે બીપીની દવાઓ ખાઈ લીધી છે, જેથી તેનું બ્લડપ્રેશર ઘટવા લાગશે અને તેનું મોત થઈ જશે. હાલ હોસ્પિટલમાં તેની સારવાર ચાલી રહી છે.
હવે આ જાણીતી એક્ટ્રેસ કર્યો આત્મહત્યાનો પ્રયાસ
ફેસબુક પર વીડિયો શેર કરીને કહ્યું-હું થોડીવારમાં મરી જઈશ
આ કારણથી અભિનેત્રીએ ભર્યું આ પગલું
ફેસબુક પર વીડિયો બનાવીને કહ્યું હતું, થોડી જ વારમાં મારું મોત થઈ જશે
તેણે ફેસબુક પર એક વીડિયો પોસ્ટ કર્યો અને કહ્યું, આ મારો છેલ્લો વીડિયો છે. હું છેલ્લા ચાર મહિનાથી સીમાન અને તેની પાર્ચીના લોકોને કારણે ડિપ્રેશનમાં છું. મેં બહુ જ પ્રયાસ કર્યો કે હું મારા પરિવાર માટે જીવિત રહું, પણ મારાથી હવે સહન નથી થયું રહ્યું. હરિ નાદરે મને મીડિયામાં ખૂબ જ અપમાનિત કરી છે. મેં બીપીની દવાઓ ખાઈ લીધી છે અને થોડી જ વારમાં મારું બીપી નીચું જતું રહેશે અને મારું મોત થઈ જશે.
વિજયલક્ષ્મીએ એવું પણ કહ્યું કે તેની મોત લોકો માટે એ ઉદાહરણ હોવી જોઈએ અને તેના ફેન્સથી તેણે અપીલ કરી કે સીમાન અને હરિ નાદર જેવા લોકોને સબક શીખવાડવામાં આવે અને તેનું માનસિક શોષણ કરવા બદલ તેમને સખત સજા મળે. રિપોર્ટ્સ અનુસાર, વિજયલક્ષ્મી ચેન્નઈની એક પ્રાઈવેટ હોસ્પિટલમાં એડમિટ છે. જ્યાં તેની સારવાર ચાલી રહી છે. તમને જણાવી દઈએ કે સીમાન એક તમિલ નેશનલિસ્ટ પાર્ટીનો લીડર છે અને હરિ નાદર પણ એક પોલિટિકલ પાર્ટી સાથે કનેક્શન ધરાવે છે. હરિએ ગયા વર્ષે ઓક્ટોબરમાં નાંગુનેરી એસેમ્બલીના બાય-ઈલેક્શનમાં ભાગ પણ લીધો હતો, પણ તેને હારનો સામનો કરવો પડ્યો હતો.